قاراعاندى وبلىسىنداعى قارقارالى مەملەكەتتىك ۇلتتىق ساياباعىنىڭ 2،5 مىڭ گەكتار جەرى ءورت قۇشاعىندا دەپ جازادى Qamshy.kz اقپارات اگەنتتىگى.

قارقارالىداعى ۇلتتىق ساياباقتى ءتىلسىز جاۋدان اراشالاۋ ءۇشىن قۇتقارۋشىلار توقتاۋسىز جۇمىس جاساپ جاتىر. ءورت اۋماعىنىڭ بۇگىنگى كورسەتكىشى – شامامەن 2،5 مىڭ گەكتار. ادام اياعى جەتپەيتىن جەرلەرگە تىكۇشاقپەن سۋ سەبىلىپ جاتىر. ءبىراق جالىن بوي بەرمەي تۇر. وسىعان وراي، باسشىلىق تاراپ ءورتتى اۋىزدىقتاۋعا قوسىمشا كۇش بولۋگە شەشىم قابىلدادى.

ۇلتتىق ساياباقتى امان ساقتاپ قالۋ ءۇشىن ق ر ۇلتتىق گۆاردياسىنان دا كۇش قاراستىرىلعان.

«بۇگىن وقيعا ورىنىنا ۇلتتىق گۆارديانىڭ №52859 اسكەري بولىمىنەن 85 ادام جىبەرىلەدى»، - دەپ حابارلادى قاراعاندى وبلىستىق تجد باسپا ءسوز قىزمەتى.

قارقارالى اۋدانىنىڭ اكىمى وقيعا ورىنىندا ءجۇر. ال قاجەت ايماقتارعا توتەنشە جاعداي رەجيمى جاريالاندى.