ق ر سىرتقى ىستەر مينيسترلىگى قىرعىزستان تاۋلارىندا قيىن جاعدايعا تاپ بولعان قازاقستان الپينيستەرىنە قاتىستى جايتقا قاتىستى رەسمي مالىمدەمە جاسادى دەپ جازادى Qamshy.kz اقپارات اگەنتتىگى قازاقپاراتقا سىلتەمە جاساپ.

"2019 جىلدىڭ 17 تامىزىندا بىشكەكتەگى قازاقستاندىق كونسۋلدىققا قازاقستاننىڭ 3 ءالپينيسى تيان-شان تاۋىنىڭ (قىرعىزستان، ىستىقكول وبلىسى) پوبەدا شىڭىندا جوعالىپ كەتكەندىگى تۋرالى اقپارات ءتۇستى. قازاقستان ازاماتتارى مۇرات وتەپبايەۆ، اندرەي كورنەيەۆ جانە الەكساندر چەچۋليننىڭ 4 تامىز كۇنى پوبەدا شىڭىنا ساپارلاپ شىققاندىعى انىقتالدى. ولاردىڭ بارلىعى دا كاسىبي جانە تاجىريبەلى الپينيستەر. 14 تامىزدا الپينستەر اتالعان شىڭدى باعىندىرعان. سول كۇنى اۋا رايى ناشارلاپ كەتكەن"، - دەلىنگەن مينيسترلىكتىڭ مالىمدەمەسىندە. 

مينيسترلىك مالىمەتىنشە، الپينيستەر 15 تامىز كۇنى شامامەن ساعات 08-15-تە سوڭعى رەت بايلانىسقا شىعىپ، ورىن العان جايتقا قاتىستى دابىل قاققان. سونداي-اق، ولار ا.چەچۋليننىڭ قازا تاپقاندىعىن ەستىرتكەن. الپينيستەر دابىل قاققان ساتتە ولار 6 900 مەتر بيىكتىكتە بولعان. شاتىرلارى مەن جابدىقتارىن جەل ۇشىرىپ كەتكەن. ولار قاردان شۇڭقىر قازىپ، سوعان جاسىرىنعاندىقتارىن ايتقان.

"ديپلوماتتارىمىز جەدەل تۇردە بولعان وقيعا جايىندا قىرعىزستان ءتجم-ى مەن قازاقستان ءىىم توتەنشە جاعدايلار كوميتەتىنىڭ كەزەكشىلىك بولىمىنە حابار بەرگەن. 18 تامىزدا اتالعان جورىقتى ۇيىمداستىرعان تۋريستىك كومپانياعا تيەسىلى تىكۇشاق 18 تامىز كۇنى الپينيستەر جوعالعان بولجامدى اۋداندى شولۋ ءۇشىن ەكى رەت اۋەگە كوتەرىلدى. وكىنىشكە قاراي، ناتيجە جوق. سەبەبى تاۋدا بىرنەشە رەت كوشكىن ءجۇرىپ، اتالعان اۋداندى قار باسىپ قالعان"، - دەدى مينيسترلىك.

ۆەدومستۆو اقپاراتىنا سايكەس، قۇتقارۋ وپەراسياسىنا اتالعان تاۋلى ايماقتا تىكۇشاقتىڭ نە ءبارى 4 500 مەتردە عانا ۇشۋىنا رۇقسات بەرىلۋى، سونىمەن قاتار قولايسىز اۋا رايى كەدەرگى كەلتىرىپ جاتىر. قازىرگى ۋاقىتتا قازاقستان ەلشىلىگىندە جەدەل شتاب قۇرىلىپ، ول جوعالعان الپينيستەردى ىزدەۋگە بارىنشا كومەك كورسەتىپ جاتىر. ديپلوماتتار قازاقستان مەن قىرعىزستاننىڭ قۇزىرەتتى ورگاندارىمەن جانە جوعالعان الپينيستەردىڭ تۋىستارىمەن تۇراقتى بايلانىسقا شىعىپ وتىر. كونسۋل مەن م.وتەپبايەۆتىڭ تۋىستارى تۇنىمەن ەلشىلىكتە بولىپ، ۇيلەستىرۋ ماسەلەلەرىن بىرلەسىپ قاراستىردى. قىرعىز اۋماعىندا قازاقستان تىكۇشاقتارىنىڭ ۇشۋىنا رۇقساتتى ۇيىمداستىرۋ جۇمىستارى دا جۇرگىزىلىپ جاتىر. قازاقستان تىكۇشاقتارى جوعالعانداردى ىزدەۋگە كومەككە شاقىرىلعان قازاقستان، قىرعىزستان جانە رەسەيدىڭ كاسىبي الپينيستەر توبىن جەتكىزەتىن بولادى. ءبىر ىزدەۋ توبىنا تانىمال ءالپينيسشى ماقسۇت جۇمايەۆ جەتەكشىلىك ەتەتىندىگى جوسپارلانعان.

قازاقستان سىرتى ىستەر مينيسترلىگى الپينيستەردى ىزدەۋ جۇمىستارىن ەرەكشە باقىلاۋىندا ۇستاپ وتىر. ق ر ءىىم تجك جانە قورعانىس مينيسترلىكتەرىمەن بىرگە قىرعىز تاراپىمەن جەدەل جۇمىستاردى جۇرگىزىپ جاتىر.

ەسكە سالساق، الماتىلىق الپينيستەر توبى قىرعىز تاۋلارىندا جوعالعان بولاتىن. الماتى قالاسىنىڭ اكىمى باقىتجان ساعىنتايەۆ تاۋدا قازاقستاندىق الپينيستەر توبىنىڭ جوعالىپ كەتۋىنە قاتىستى Instagram پاراقشاسىندا الاڭداۋشىلىق ءبىلدىردى. كەيىنىرەك جوعالعان الپينيستەردىڭ ءبىرىنىڭ قىزى الەۋمەتتىك جەلى ارقىلى قالىڭ كوپشىلىكتەن كومەك سۇرادى. سونداي-اق، ق ر قورعانىس مينيسترلىگى الپينيستەردى قۇتقارۋ وپەراسياسىن باستادى.