ديماش قۇدايبەرگەن سوچيدە "نوۆايا ۆولنا" جاس تالانتتار كونكۋرسىن "Olympic" انىمەن اشتى دەپ جازادى Qamshy.kz اقپارات اگەنتتىگى.

قازاق ونەرپازى "Olympico" ءانىن كومپوزيتور يگور كرۋتويدىڭ سۇيەمەلدەۋىمەن ورىندادى. سونداي-اق يگور كرۋتوي اكادەمياسىنىڭ حورى، سوچي سيمفونيالىق وركەسترى جانە سوچي قالاسىنىڭ جاستار حورى قولداۋ كورسەتتى.

بايقاۋ جۇرگىزۋشىسى اندرەي مالاحوۆ ديماشتى "ديماش قۇدايبەرگەن – رەسەي، جۇڭگو جانە الەم ەستراداسىنىڭ جاڭا سەكس-سيمۆولى"، - دەپ تانىستىردى.

كونكۋرستىڭ اشىلۋ سالتاناتىندا ديماش قۇدايبەرگەن تاعى ءبىر شىعارما – "Mademoiselle Hyde" ءانىن شىرقادى.

"بۇگىن سوچيدەگى بۇكىل گۇل ديماش ءۇشىن ساتىپ الىنعان سەكىلدى"، - دەدى جۇرگىزۋشى گۇلدىڭ استىندا قالعان ديماشقا قوشەمەت ءبىلدىرىپ.

"ديماش ەڭ مىقتى، ەڭ ۇزدىك، وعان تەڭ كەلەر ەشكىم جوق. سەن ءۇشىن وتقا دا سۋعا دا تۇسۋگە دايىنبىز، كەرەك دەسەڭ تىڭشى بولامىز"- دەپ جازادى ءارتىستىڭ تىڭدارماندارى.

ايتا كەتەيىك، "نوۆايا ۆولنا" - حالىقارالىق تانىمال اۋەندەردى ورىنداۋشى جاس تالانتتار بايقاۋى. بايقاۋ بيىل سوچي قالاسىندا 24-29 تامىز ارالىعىندا وتەدى. كونكۋرستا الەمنىڭ 13 ەلىنەن كەلگەن جاس انشىلەر سىنعا تۇسەدى. ديماش قۇدايبەرگەن كونكۋرس اياسىندا وتەتىن يگور كرۋتويدىڭ مەرەيتويلىق كەشىندە جانە بايقاۋدىڭ جابىلۋ سالتاناتىندا ونەر كورسەتەدى دەپ جوسپارلانىپ وتىر.