بۇگىن، 3 قىركۇيەكتە الماتىدا اۆتوبۋس جاياۋ جۇرگىنشىنى قاعىپ كەتتى دەپ جازادى Qamshy.kz اقپارات اگەنتتىگى. جول-كولىك وقيعاسىنىڭ ۆيدەوسى Instagram الەۋمەتتىك جەلىسىندەگى kris_p_brothers_official پاراقشاسىندا جاريالانعان. بۇل تۋرالى Tengrinews.kz سايتى حابارلادى.
Tengrinews.kz سايتىنىڭ جازۋىنشا، "الماتىەلەكتروترانس" جول-كولىك وقيعاسى تاڭعى ساعات 8-دە وتەگەن باتىر جانە قابدولوۆ كوشەلەرىنىڭ قيىلىسىندا ورىن العانىن ايتقان.
"45ء-شى اۆتوبۋستىڭ جۇرگىزۋشىسى وتەگەن باتىر كوشەسىنىڭ بويىمەن وڭتۇستىك باعىتتا قابدولوۆ جاعىنا قاراي ءجۇرىپ، جاياۋ جۇرگىنشىنى قاعىپ كەتتى. ناتيجەسىندە جاياۋ جۇرگىنشى بىرنەشە جەڭىل جاراقات الدى. جەدەل جاردەم بريگاداسى شاقىرتىلىپ، جاياۋ جۇرگىنشىگە مەديسينالىق كومەك كورسەتىلدى. قازىرگى ۋاقىتتا وقيعانىڭ ءمان - جايى انىقتالىپ جاتىر"،- دەپ ايتقان كومپانيانىڭ باسپا ءسوز قىزمەتى.
"بۇل وقيعا وتەگەن باتىر جانە قابدولوۆ كوشەلەرىنىڭ قيىلىسىندا ورىن الدى. 31 جاستاعى ايەل ادام اۆتوبۋس دوڭگەلدەگىنىڭ استىندا قالعان. قازىرگى ۋاقىتتا تەرگەۋ جۇمىستارىنا اۋەزوۆ اۋداندىق پوليسيا باسقارماسىنىڭ اكىمشىلىك تاجىريبە بولىمشەسىنىڭ قىزمەتكەرلەرى كىرىستى. زارداپ شەككەن ايەل ادامنىڭ دەنە جاراقاتتارىنا مەديسينالىق ساراپتاما جۇرگىزىلەتىن بولادى. سونداي - اق، قوعامدىق كولىك جۇرگىزۋشىسىمەن جول-كولىك ەرەجەسىن بۇزۋدى انىقتاۋ ماقساتىندا اۆتوتەحنيكالىق ساراپتاما جۇرگىزىلەدى"،- دەپ اتاپ ءوتتى الماتى پوليسياسى دەپارتامەنتىنىڭ باسپا ءسوز قىزمەتى.
پىكىر قالدىرۋ