الماتىدا باستالىپ، تەز اياقتالعان "اقيقات" جسدپ پارتياسىنىڭ 15-سەزىندە وسى ۋاقىتقا دەيىن ءتوراعا بولىپ كەلگەن ەرمۇرات باپي قىزمەتىنەن كەتتى. ەرمۇرات باپي كوپشىلىكتىڭ قالاۋىمەن پارتيادان شىعارىلدى.
سونىمەن باپيدىڭ پارتيانىڭ ءتوراعالىعىنان كەتۋىنە نە سەبەپ بولدى؟
بىرىنشىدەن وعان سەنىمسىزدىك ءبىلدىرىلدى.
ەكىنشىدەن، ونىڭ ءبىر توپ بەلسەندىلەرمەن پاريجگە بارىپ كەلگەنى كوپ ادامعا ۇناعان جوق.
ۇشىنشىدەن، ول پاريجدە اكەجان قاجىگەلدين، بەرگەي رىسقاليمەن پارتيانىڭ رۇقساتىنسىز كەزدەسكەن.
وسى جانە تاعى باسقا سەبەپتەرگە بايلانىستى ەرمۇرات باپي ءتوراعالىقتان كەتتى.
جالپى بۇگىنگى جيىن بارىسىندا اڭعارىلعانى، پارتيا ىشىندە الاۋىزدىقتىڭ بارى دا بايقالعان. ءبىرقاتار ادامدار ەرمۇرات باپيدى قولداعان كورىنەدى.
«ازاتتىق» راديوسى ءتىلشىسىنىڭ حابارلاۋىنشا، «ەلدەگى جالعىز وپپوزيسيالىق پارتيانى جەرلەدىڭىزدەر" دەپ ەرمۇرات باپي وتىرىس بىتپەي جاتىپ، زالدان شىعىپ كەتكەن.
سونىمەن 26 ساۋىردەن بەرى اقيقات جسدپ-عا باسشى بولعان ەرمۇرات باپيدىڭ ءتوراعالىعى بار-جوعى ءتورت ايعا عانا سوزىلعانىن ايتا كەتەيىك.
ال پارتيانىڭ جاڭا ءتوراعاسى بولعان اسحات راحىمجانوۆ بۇعان دەيىن پارتيانىڭ نۇر-سۇلتان قالالىق بولىمشەسىنە جەتەكشىلىك ەتكەن كورىنەدى.
پىكىر قالدىرۋ