جامبىل وبلىسىندا «رۋحاني جاڭعىرۋ» جانە «سيفرلىق قازاقستان» مەملەكەتتىك باعدارلامالارى ناتيجەسىندە ءبىرقاتار تۋريستىك نىسانداردى، قىزمەت كورسەتۋ ورىندارىن، كورىكتى ورىنداردى قامتيتىن «Taraz Tour» ءموبيلدى قوسىمشاسى ىسكە قوسىلدى. اتالعان قوسىمشا ارقىلى تۋريستەر ايماقتاعى نەگىزگى تۋريستىك ورىندار جايىندا تولىق ماعۇلمات الا الادى، دەپ جازادى Qamshy.kz اقپارات اگەنتتىگى.
«Taraz Tour» قوسىمشاسىن پايدالانۋشىعا بەس تىلدەگى اۋديو جانە ماتىندىك اقپاراتتار قول جەتىمدى بولماق. قازىرگى تاڭدا وبلىستاعى 33 ءىرى تۋريستىك نىسانعا QR كودتارى ورناتىلعان. ءدال وسى ءموبيلدى قوسىمشانى جاساپ شىققان «MMM Solutions» جەكە كاسىپكەرلىگىنىڭ جوبا مەنەدجەرى قىمبات قوجامبەتوۆا تۋريستەرگە وزدەرى بەت تۇزەگەن ورىنداردى كەدەرگىسىز وڭاي تابۋ، وڭتايلى قوناق ۇيلەر مەن تاماقتانۋ ورىندارىنعا بارۋدا كومەك كورسەتۋمەن بىرگە بىرنەشە قىزمەتتەر اتقاراتىنىن العا تارتادى.
– ءموبيلدى قوسىمشانى تۋريستەرمەن بىرگە تۋريستىك فيرمالار، قوناق-ۇيلەر مەن مەيرامحانا جانە دە ەمدەۋ ساۋىقتىرۋ ورتالىقتارى ءوز كادەسىنە جاراتا الادى. اسىرەسە قىزمەت كورسەتۋشى مەكەمەلەر بۇل قوسىمشانى جارناما جاساۋ قۇرالى رەتىندە پايدالانۋ مۇمكىندىگىنە يە. تەك اكىمشىلىككە وزدەرىنىڭ مەكەمەسى جايىندا تولىققاندى اقپاراتاردى ۇسىنۋ جەتىپ جاتىر.
«Taraz Tour» - بۇل ايماقتىڭ تۋريستىك وبەكت تۋرالى جىلدام ءارى شىنايى شىناى اقپارات بەرىپ، قوسىمشا بىرنەشە قىزمەت تۇرلەرىن ۇسىنۋعاق ابىلەتتى ءموبيلدى قوسىمشا. ونى تەلەفونىڭىزدىڭ ماركاسىنا قاراي عالامتورداعى «play market» نەمەسە appstore قولدانبالار دۇكەنىنەن جۇكتەپ الۋعا بولادى.
وسىدان سوڭ تۋريستەر بۇل قوسىمشانىڭ تەك جولباعدار رەتىندە عانا ەمەس تۋريستىك نىساندارداعى QR-كودتى وقيتىن باعدارلاما رەتىندە دە پايدالانا الادى، – دەيدى جوبا جەتەكشىسى.
جالپى ءموبيلدى باعدارلاما AR، VR 360، «تۇرعان اسەردى» بەرەتىن جانە ۆيرتۋالدى شىنايىلىلىقتى جاسايتىن 360 گرادۋستى ۆيدەوروليكتەر، Offline رەجيم –ينتەرنەت جەلىسى جوق جەرلەردە دە قوسىمشامەن قولدانۋعا مۇمكىندىك بەرەتىن ءتارتىپ، تۋريستىك گيد سىندى كومپونەنتتەردەن تۇرادى. وبلىس اكىمدىگىنىڭ تۋريزم باسقاراماسىنىڭ باسشىسى قارلىعاش ارالبەكوۆا وڭىردەگى قىزمەت كەورسەتۋ ورىندارى باسشىلارىن وسىناۋ بىرەگەي قوسىمشانىڭ مۇمكىندىگىن ءتۋريزمدى دامىتۋدىڭ العىشارتى رەتىندە پايدالانۋعا شاقىرادى.
پىكىر قالدىرۋ