«مەملەكەتتىك بيلىكتىڭ بىردەن-بىر باستاۋى – حالىق». بۇل ءبىزدىڭ اتا زاڭىمىزدىڭ 3-بابىندا جازىلعان. سوندىقتان حالىقتان ارتىق ەشكىم جوق. ناقتى ايتساق، زاڭ الدىندا حان دا، قارا دا بىردەي. ارينە، تارتىپكە باس يگەن قۇل بولمايدى. ءبىز دە زاڭدى سىيلاۋىمىز كەرەك. زاڭ بارىمىزدەن بيىك. سوندىقتان دا زاڭعا باعىنامىز. ءبىراق ءبىزدىڭ تۇسىنىگىمىزدە باسقا نارسە بار. ونى جوققا شىعارماۋعا ءتيىسپىز. ول نە؟
اتاپ ايتار بولساق، اتا زاڭىمىزدا ءبارى اتاپ كورسەتىلگەن. ادامنىڭ ءومىر ءسۇرۋ بوستاندىقتارى مەن قۇقى جانە مىندەتتەرى. سوندىقتان ءبىز زاڭنىڭ اياسىنان شىقپاۋعا ءتيىسپىز.
ءبىراق زاڭ جوباسىن جاسايتىندار ءتيىستى مەملەكەتتىك مەكەمەلەر ەكەنى ءسوزسىز. ءتيىستى مينيسترلىكتەر زاڭ جوباسىن جاساپ، ونى ماجىلىسكە ۇسىنادى. دەپۋتاتتار تالقىعا سالادى. ۇسىنىستارىن ايتادى. ول سەناتقا وتەدى. ال حالىق شە؟ ماسەلەنىڭ ءمانىسى وسىندا: ءبىز زاڭ جوبالارىن تالقىلاۋعا نەمەسە وعان ءوز ۇسىنىستارىمىزدى جاساۋدا قانشالىقتى بەلسەندىمىز؟ ءوز ۇسىنىستارىمىزدى ايتا الامىز با؟ دۇرىس زاڭنىڭ قابىلدانۋىنا مۇددەلىمىز بە؟ ارينە، مۇددەلى ەكەندىگىمىز راس. زاڭ – حالىق ءۇشىن.
راسىندا جىل سايىن پارلامەنتتە كوپتەگەن زاڭدار قابىلدانىپ جاتادى. مەملەكەت نەمەسە ۇكىمەت ونىڭ اشىقتىعىن دا قامتاماسىز ەتىپ وتىر. سوندىقتان اتالعان زاڭ جوباسىنا ءوز ۇسىنىستارىن ايتۋعا ءبارىنىڭ دە قۇقى بار. ءبىر عانا مىسال، ەلىمىزدىڭ تۇڭعىش پرەزيدەنتى نۇرسۇلتان نازاربايەۆ وتكەن جىلعى حالىققا ارناعان جولداۋىندا «پەداگوگ مارتەبەسى تۋرالى» زاڭدى قابىلداۋ قاجەتتىگىن ايتقان بولاتىن. مىنە بيىل سول زاڭ جوباسى پارلامەنتتە جاتىر. ساراپشىلاردىڭ ايتۋىنا قاراعاندا، اتالعان زاڭ جوباسىن تالقىلاۋعا قازاقستاندىقتار بەلسەنە قاتىسقان. جوبانى تالقىلاۋ بارىسىندا حالىقتان 8 مىڭنان اسا ۇسىنىس تۇسكەن. رەسپۋبليكا ۇستازدارىنىڭ ءوزى جوبانى تالقىلاۋعا ايرىقشا بەلسەندىلىك تانىتقان. ويتكەنى بۇل جوبا قابىلدانسا، مۇعالىمدەر قاۋىمىنا زور مارتەبە بەرەدى. ويتكەنى بۇعان دەيىن قاي جەردە وتكەن يگى شارالارعا بولسىن، ناۋقاندىق جۇمىستارعا بولسىن، مۇعالىمدەردى «جەگۋ» ادەتكە اينالىپ كەتكەن. ەلباسى نۇرسۇلتان نازاربايەۆ تا «مۇنىڭ مۇعالىمدەرگە اسا قاجەت» ەكەندىگىن قاداپ ايتقان.
اتى ايتىپ وتىرعانداي، بۇل زاڭ مۇعالىمدەرگە قانداي مارتەبە بەرەدى؟
- زاڭ قابىلدانىپ جاتسا، ولار كەرەكسىز جۇمىستارعا قاتىسۋدان ارىلادى.
- ولاردىڭ جۇكتەمەسى ازايادى
- ۇستاز ءقادىرلى، مارتەبەلى ماماندىققا اينالادى.
- ولاردىڭ جالاقىسى وسەدى.
- ۇستازدارعا شىعارماشىلىق دەمالىس بەرىلەدى.
- ەڭبەك دەمالىسىنىڭ مەرزىمى ۇلعايادى
دەمەك، بۇل زاڭنىڭ ۇستازدارعا بەرەرى كوپ. ال ءبىز بۇگىن پرەزيدەنت تاپسىرماسىنان كەيىن قوعامدا قىزۋ تالقىلانعان ءبىر عانا زاڭ جوباسىن تىلگە تيەك ەتتىك. دەمەك زاڭ جوباسىن تالقىلاۋعا جانە ءوز ۇسىنىستارىن بەرۋگە كەز كەلگەن ادامنىڭ قۇقى بار. ويتكەنى قازىرگى تاڭدا مەملەكەتتىڭ ءوزى زاڭ جوبالارىنىڭ اشىقتىعىن قامتاماسىز ەتۋگە مۇمكىندىك بەرىپ وتىر. سوندىقتان زاڭ بارىمىزگە ورتاق بولعاندىقتان كەيىن ونى تالقىلاۋعا، ۇسىنىستارىمىزدى بەرۋگە ءبىز دە بەلسەندى بولۋىمىز قاجەت.
پىكىر قالدىرۋ