وعان ەۋروپانىڭ 10 ەلى مەن اقش، تۇركيادان دا وكىلدەر قاتىسپاقشى

كەشە دۇنيەجۇزى قازاقتارى قاۋىمداستىعى ءتوراعاسىنىڭ ءبىرىنشى ورىنباسارى تالعات ماماشيەۆ باستاعان دەلەگاسيا فرانسيا استاناسى پا­ريج­گە كەلدى. ماقسات – ەۋرو­پا قازاقتارىنىڭ كىشى قۇرىل­تايىن وتكىزىپ، وسىنىڭ اياسىندا قازاقستاننان بارعان ونەر ۇجىمدارى مەن كينو سالاسى ماماندارىنىڭ ەڭبەكتەرىن شەتەلدەگى قانداستارىمىزعا كورسەتىپ، ناسيحاتتاۋ جانە ءتۇرلى سپورتتىق شارالار­ وتكىزۋگە ۇيىتقى بولۋ. بۇل فورۋم­عا قاتىسۋعا ەۋروپانىڭ  10 ەلى مەن اقش، تۇركيادان دا وكىلدەر كەلىپ وتىر. قازاق­ستاندىق دەلەگاسياعا كەلەر بول­ساق، قۇرامىندا سەناتور،­ اكادەميك عاريفوللا ەسىم، مادەنيەت جانە اقپا­رات مي­نيسترلىگى ءتىل كومي­تەتى­ءنىڭ ءتوراعاسى ماقسات ىسقا­قوۆ، ءبىلىم جانە عىلىم مينيستر­لىگى فيلوسوفيا، ساياساتتانۋ جانە ءدىنتانۋ ينستيتۋتى ديرەكتورىنىڭ ورىنباسا­رى، پروفەسسور سەرىك نۇر­مۇ­راتوۆ، ش.ايمانوۆ اتىن­داعى «قازاقفيلم» اك­سيو­نەرلىك قوعامىنىڭ باس رە­داك­تورى ديدار امانتاي، استانا مەم­لەكەتتىك فيلار­مو­نيا­سى­نىڭ ءانشىسى التىناي جو­را­بايەۆا، كۇيشى ەرگەن ەركىن سە­كىلدى بەلگىلى ادامدار بار­ بۇل توپ ءۇش كۇن بويى ەۋرو­پا قازاقتارى مادەني ورتالىقتارى جەتەكشىلەرىنىڭ باسقوسۋىنا قاتىسىپ، دوڭگەلەك ۇستەل جۇمىسىنداعى جاندى پىكىرلەردىڭ تۋۋىنا مۇرىندىق بولادى. سونداي-اق، «اعايىن» باعدارلاماسى بويىنشا ارنايى تەلەحابار دايىنداۋعا اتسالىسىپ،  رەسپۋبليكا ونەر شەبەرلەرى وكىلدەرىنىڭ گالا-كونسەرتىن ۇيىمداستىرادى.

جانبولات ءاليحان ۇلى (اۋپبايەۆ)،

«ەگەمەن قازاقستان» –

پاريجدەن.