مۇحتار ءابليازوۆ "نازاربايەۆ قازاقستان ءۇشىن كىم؟" اتتى دەباتتا قازىرگى قازاقستاننىڭ جاعدايى تۋرالى ايتىپ بەردى دەپ جازادى Qamshy.kz اقپارات اگەنتتىگى. دەبات تىكەلەي ەفيردە ءوتىپ جاتىر.
"قازىرگى قازاقستاندى توقايەۆ باسقارمايتىنى بەلگىلى. ونى نازاربايەۆ باسقارىپ وتىر. ول ءقازىر سايلاۋعا قاتىسا الماعانىمەن، بارلىعىن ءوز باقىلاۋىندا ۇستاپ وتىر. اكىمدەر مەن مينيسترلەرگە دەيىن نازاربايەۆ تاعايىندايدى. ول "نۇر وتان" پارتياسىن دا باسقارادى جانە دەپۋتاتتار دا سول پارتيادان ىرىكتەلىپ، تاڭدالاتىنى بەلگىلى. دەپۋتاتتاردى حالىق تاڭدامايدى. نازاربايەۆقا باسەكەلەستىكتىڭ بولۋ، بولماۋى ماڭىزدى ەمەس. سەبەبى ونىڭ ادامدارى بارلىق جەردە بار. سونداي-اق ەلدەگى بانكتەردىڭ 90 پايىزى نازاربايەۆتىڭ يەلىگىندە. مۇناي سالاسىن دا نازاربايەۆ ءوزىنىڭ كۇيەۋ بالاسى نەمەسە باسقا دا تۋىستارى ارقىلى ءوز باقىلاۋىنا الىپ وتىر. سول سەبەپتى وعان كونستيتۋسيانى قاعازعا اينالدىرۋدىڭ ەش قيىندىعى جوق. بارلىعى تۇگەلدەي ءوز باقىلاۋىندا. نە سەبەپتى مۇنداي قادامعا باردى؟ سەبەبى ول اۋەل باستان الدىنا وسىنداي ماقسات قويعان بولاتىن. نازاربايەۆ دەموكراتيانىڭ نە ەكەنىن تۇسىنبەيدى. سونىمەن ءبىز نەنى كورىپ وتىرمىز؟ بارلىق قارجى نازاربايەۆتىڭ قولىندا، بيلىك تە سونىڭ قولىندا. ءار سالانى ءوزىنىڭ سەنىمدى ادامدارى باسقارىپ وتىر. مىنە ءبىز ءقازىر وسىنداي كۇيدەمىز"، - دەدى مۇحتار ءابليازوۆ دەبات كەزىندە.
پىكىر قالدىرۋ