بۇگىن، 21 قىركۇيەكتە تۇسكى ساعات 14.00 شاماسىندا الماتىداعى "استانا" الاڭىنىڭ ماڭىندا  پوليسيا مەن ارنايى جاساق سول ماڭعا جينالعان ادامداردى ۇستادى. Qamshy.kz اقپارات اگەنتتىگى ءتىلشىسىنىڭ حابارلاۋىنشا، ۇستالعاندار سانى 30-دان اسقان. 

ازاماتار جينالعان ماڭعا الدىمەن  جەرگىلىكتى بيلىك پەن پروكۋراتۋرا وكىلدەرى كەلىپ، ولارعا "جينالىپ تۇرعاندارى  زاڭسىز ەكەنىن ايتىپ"، ۇيلەرىنە تاراۋىن تالاپ ەتتى.

اكىمدىك وكىلدەرىنىڭ ايتقانىنا كەيبىر ازاماتار "جاي ءجۇرمىز"، "سەرۋەندەۋگە كەلدىك" دەپ جاۋاپ بەردى. ال كەيبىرى "قازىرگى بيلىككە قارسى" ەكەندەرىن ايتا باستاعاندا، ولاردى پوليسيا ۇستاي باستادى. ۇستالعانداردىڭ اراسىندا جاس 60-تان اسقان ازاماتتار دا بار. ۇستالعاندار "قازاقستار، كومەكتەسىڭدەر!"، "ساتقىندار" دەپ ايقايلادى. 

پوليسيا 30-دان اسا ادامدى ۇستاعان سوڭ جينالعاندار تاراي باستادى. ارنايىق جاساق "استانا" الاڭىنا قاتىنايتىن بارلىق كوشەنى قورشاپ، تۇرعىنداردى كىرگىزبەي تۇر.