ب. ساعىنتايەۆ Kazakhstan Growth Forum 2019 جيىنىندا سويلەگەن سوزىندە ەلباسىنىڭ تاپسىرماسى بويىنشا قازىرگى كەزدە ۇزاق مەرزىمدى پەرسپەكتيۆاعا ارنالعان الماتىنى دامىتۋدىڭ جاڭا ستراتەگياسىن جاساۋ بويىنشا جۇمىس ءجۇرىپ جاتقانىن حابارلادى، دەپ جازادى اكىمدىكتىڭ باسپا ءسوز قىزمەتى.

قۇجات جوباسىنا سايكەس، قالانىڭ تومەنگى اۋداندارىنداعى 6 اۋماقتى دامىتۋ جوسپارلانۋدا: جاڭا قالالىق ورتا Downtown، سولتۇستىك قاقپالار، شىعىس قاقپالار، باتىس قاقپالار، وڭتۇستىك قاقپالار، «الاتاۋ» پيت اەا.

بۇل ايماقتاردا تۇرعىنداردىڭ ەداۋىر ءوسىمى شوعىرلاناتىن بولادى. شامامەن 620 مىڭ جۇمىس ورىندارىن قۇرۋ قاجەت.

مۇندا اۋقىمدى تۇرعىن ءۇي قۇرىلىسى باستالادى، الەۋمەتتىك ينفراقۇرىلىمدار مەن ساۋدا ورىندارى قاجەت، بيزنەس ءۇشىن ۇلكەن مۇمكىندىكتەر بار.

بۇلاردان وزگە، قازاندا كوپشىلىككە الداعى ءۇش جىلعا ارنالعان «جاڭا الماتى» كونسەپسيالىق جوسپارى ۇسىنىلادى.

جاڭا الماتىنى دامىتۋ جوسپارىندا ەڭ ماڭىزدى جانە تۇرعىنداردى تولعاندىراتىن وزەكتى ماسەلەلەردى شەشۋ جولدارى كورىنىس تابادى.

بىرىنشىدەن، سۋمەن قامتۋ، سىرتقى جارىق، جولداردى سالۋ مەن جوندەۋ، قولايلى قوعامدىق كولىك.

ەكىنشىدەن، دامىعان الەۋمەتتىك ەكونوميكا جانە ينفراقۇرىلىمدى جاڭارتۋ.

«دامىعان مەگاپوليستەگى تاپشىلىقتى جويۋ جانە جاڭا قاجەتتىلىكتەردى قامتاماسىز ەتۋ ءۇشىن ينۆەستيسيا كولەمىن ەسەلەپ ارتتىرۋ قاجەت. ول ءۇشىن ءمجا جانە جەكە سەكتوردى تارتۋ مەحانيزمدەرى ۇتىمدى پايدالانىلادى. مۇندا بيزنەستىڭ قاتىسۋىنا داڭعىل جول اشىلعان، سەرىكتەستىك ءۇشىن جاقسى مۇمكىندىكتەر بار»، –  دەدى ب. ساعىنتايەۆ.