شىعىس قازاقستان وبلىسىنىڭ ورتالىعىندا وتكەن كەزدەسۋگە ءوڭىردىڭ 300 تۇرعىنى قاتىستى. جيىندا الەۋمەتتىك كومەك، مەديسينالىق قىزمەتتىڭ قولجەتىمدىلىگى، سپورت، ءبىلىم مەن ينكليۋزيۆتى وقىتۋدى دامىتۋ تۋرالى ءسوز قوزعالدى.
تۇرعىنداردىڭ ءبىرىن نەسيەنى كەشىرۋ ماسەلەسى قىزىقتىردى.
سۇراققا جاۋاپ بەرە كەلە "ەكىنشى دەڭگەيلى بانكتەر مەن شاعىن قارجىلىق ۇيىمداردا نەسيەسى بار وتباسىلاردىڭ قارىزى كەشىرىلەدى. جالپى، كرەديت الاردان بۇرىن "ەرتەڭ ونى قالاي قايتارام دەپ" ويلانۋ كەرەك"، -دەپ اتاپ ءوتتى ۆيسە-مينيستر.
ونىڭ ايتۋىنشا، بۇدان بىلاي كوپبالالى انالارعا بولەك ماتەريالدىق كومەك كورسەتىلەتىن بولادى. سونداي-اق ولار اتاۋلى الەۋمەتتىك كومەكتى دە الا الادى.
پىكىر قالدىرۋ