قارجى مينيسترلىگى جەر جانە مۇلىك سالىعىن 1ء-ىنشى قازاننان كەشىكتىرمەي تولەۋ كەرەك ەكەنىن ەسكەرتەدى دەپ جازادى Qamshy.kz اقپارات اگەنتتىگى inform.بيۋرو سايتىنىڭ دەرەگىنە نەگىزدەلىپ.
ق ر قارجى مينيسترلىگى جۇرتشىلىقپەن بايلانىس باسقارماسىنىڭ باسشىسى ولجاس وتار: "جەر جانە مۇلىك سالىعى تولەۋ 1 قازاننان كەشىكتىرىلمەۋى ءتيىس. 19 قىركۇيەكتەن باستاپ مۇلىك سالىعى مەن جەر سالىعى تۋرالى SMS-حابارلامالار قازاقستاندىق سالىق تولەۋشىلەرگە (جەكە تۇلعالارعا) جىبەرىلىپ جاتىر"، – دەپ مالىمدەمە جاسادى.
جىبەرىلگەن SMS-حابارلامادا كورسەتىلگەن مۇلىك سالىعى مەن جەر سالىعىنىڭ سوماسىنا:
- 2018 جىلعا ەسەپتەلگەن سالىقتارى؛
- 2019 جىلعى 16 قىركۇيەكتەگى جاعداي بويىنشا جەكە تۇلعالاردىڭ شوتتارىندا قالىپتاسقان بەرەشەك جانە ارتىق تولەمدەر سومالارى قوسىلعان.
سالىق تۋرالى حابارلاما 3 ءتۇرلى تاسىلمەن ورىندالادى.
- SMS-حابارلاماسى ارقىلى؛
- كوممۋنالدىق قىزمەتتەردى جەتكىزۋشىلەردىڭ كۋرەرلىك قىزمەتى ارقىلى؛
- egov.kz، ياعني "سالىق تولەۋشىلەر كابينەتى" قىزمەتىن پايدالانۋشىلارعا ەلەكتروندى تۇردە جىبەرىلدى.
پىكىر قالدىرۋ