اۋعانستاندا كەشە وتكەن پرەزيدەنتتىك سايلاۋ كەزىندە لاڭكەستەردىڭ شابۋىلىنان 32 ادام قازا تاۋىپ، 113 تۇرعىن جارالاندى دەپ حابارلايدى Qamshy.kz اقپارات اگەنتتىگى 24.kz سايتىنا سىلتەمە جاساپ.

داۋىس بەرۋ ۋچاسكەلەرىنە 113 شابۋىل جاسالعان. ولاردىڭ 64ء-ىن «تاليبان» راديكالدى قوزعالىسى مويىنىنا الدى.

ەسكە سالا كەتەيىك، كەشە اۋعانستان حالقى ەل پرەزيدەنتىن سايلادى. ساياسي شارا 2001 جىلى «تاليبان» راديكالدى قوزعالىسى بيلىكتەن قۇلاتىلعالى بەرى 4-رەت ءوتىپ وتىر. بۇل جولعى دوداعا 14 ۇمىتكەر ءتۇستى. ولاردىڭ اراسىندا ەلدىڭ قازىرگى پرەزيدەنتى اشراف گاني مەن پرەمەر-مينيستر ابدۋللا ابدۋللا بار.

سايلاۋدىڭ العاشقى قورىتىندىسى 19 قازاندا، سوڭعى ناتيجەسى قاراشانىڭ 7ء-سى كۇنى جاريالانادى. ەگەر ەشبىر كانديدات سايلاۋشىلاردىڭ باسىم داۋىسىنا يە بولماسا قاراشانىڭ 23ء-ى كۇنى ەكىنشى تۋر وتەدى.