3 قازان كۇنى الماتىدا ب ا ق جانە باسپا قىزمەتكەرلەرىنە ارنالعان "جاڭا ەملە: قۇرىلىمى مەن مازمۇنى" رەسپۋبليكالىق سەمينارى بولىپ ءوتتى. جيىندى ق ر مادەنيەت جانە سپورت مينيسترلىگى ءتىل ساياساتى كوميتەتى ش.شاياحمەتوۆ اتىنداعى "ءتىل-قازىنا" ۇلتتىق عىلىمي-پراكتيكالىق ورتالىعى ۇيىمداستىردى. سەميناردا جاڭا ءالىپبي ەملەسى ءتۇسىندىرىلدى، دەپ جازادى Qamshy.kz اقپارات اگەنتتىگى.

جيىندى اشقان "ءتىل-قازىنا" ۇلتتىق عىلىمي-پراكتيكالىق ورتالىعىنىڭ اتقارۋشى ديرەكتورى ەربول تىلەشوۆ لاتىن نەگىزدى قازاق الىپبيىندەگى داۋلى تاڭبالارعا قاتىستى پىكىر ءبىلدىردى.

"كوپتى تولعاندىرىپ جۇرگەن 4-5 تاڭباعا بايلانىستى ۇسىنىستار ازىرلەپ، ۇكىمەتكە جولدادىق. ماسەلە ۇلتتىق قوعامدىق سەنىم كەڭەسىنىڭ وتىرىسىندا دا كوتەرىلگەنى بەلگىلى. سوندىقتان ەسكەرتپەلەر ەسكەرۋسىز قالمايدى دەپ ويلايمىز" دەدى ول.

سەمينار كەڭەستە "ءتىل-قازىنا" ۇلتتىق عىلىمي-پراكتيكالىق ورتالىعىنىڭ قوعاممەن بايلانىس باسقارماسىنىڭ باسشىسى ءمولدىر باقىت قىزى لاتىن نەگىزدى قازاق ءالىپبيىن ۇيرەتۋگە ارنالعان ءىت جوبالاردى تانىستىردى.

ەملە ەرەجەلەر مەن جازۋدى كيريللدەن لاتىنعا، لاتىننان كيريللگە اۋداراتىن  كونۆەرتور qazlatyn.kz سايتىندا قول جەتىمدى. سونداي-اق سەمينار بارىسىندا قازاقشا سوزدەردىڭ ءمان-ماعىناسىن بىلدىرەتىن sozdikqor.kz سايتى مەن sozdikqor_bot تەلەگرام بوتى تانىستىرىلدى.

"لاتىنگرافيكالى جاڭا ءالىپبي نەگىزىندە ساپالى ءقازاقتىلدى كونتەنت قالىپتاستىرۋ: ماسەلەلەر مەن ۇسىنىستار" تاقىرىبىندا بايانداما جاساعان "ءتىل-قازىنا" ۇلتتىق عىلىمي-پراكتيكالىق ورتالىقتىڭ عىلىم حاتشىسى انار فازىلجان قىزى وتاندىق سايتتاردىڭ 12 پايىزى عانا قازاقشا ەكەنىن ايتىپ، ءقازاقتىلدى كونتەنتتى كوبەيتۋدىڭ ماڭىزدىلىعىنا توقتالدى.

سونداي-اق انار فازىلجان قىزى "ءى"، "ش"، "ۋ" سىندى دىبىستاردىڭ تاڭبالارىنا قاتىستى اشىق حاتتار مەن ۇسىنىستار ءبىلدىرىلىپ جاتقانىن ايتتى.

"اتالمىش ماسەلەگە بايلانىستى عالىمدار مەن كوپتىڭ پىكىرى ەسكەرىلىپ، داۋلى دىبىستاردىڭ تاڭبالانۋى وزگەرەتىن كۇن الىس ەمەس" دەدى عالىم.

ا.بايتۇرسىنوۆ اتىنداعى ءتىل ءبىلىمى ينستيتۋتىنىڭ باس عىلىمي قىزمەتكەرى قۇرالاي كۋدەرينوۆا جاڭا ەملە ەرەجەلەر بويىنشا كۇردەلى سوزدەر مەن تۇراقتى تىركەستەردىڭ قاي كەزدە بىرگە، قاي كەزدە بولەك جازىلاتىنىن ءتۇسىندىردى.