پرەمەر-مينيستردىڭ ورىنباسارى بەردىبەك ساپاربايەۆ كۇرەس، بوكس، اۋىر اتلەتيكا بويىنشا ۇلتتىق قۇرامالاردىڭ جاقىندا وتكەن الەم چەمپيوناتىنداعى ناتيجەلەرىنە ارنالعان جينالىس وتكىزدى دەپ جازادى Qamshy.kz اقپارات اگەنتتىگى. 

مادەنيەت جانە سپورت ۆيسە-مينيسترى ەلدوس رامازانوۆتىڭ ايتۋىنشا، بۇگىندە قازاقستان قورجىنىندا 9 سپورت تۇرىنەن 20 ليسەنزيا بار. وليمپياداعا بارلىعى كەم دەگەندە 100 ليسەنزيا الۋ جوسپارلانعان.

«ناتيجەلەر وتە ناشار، ولار بوكستا كوماندالىق ءۇشىنشى ورىندى، اۋىر اتلەتيكادان 12-ورىندى، كۇرەستەن 14-ورىندى يەلەندى. بوكسشىلار اراسىنداعى جالعىز التىن مەدال بار. مينيسترلىكتىڭ، ۇلتتىق وليمپيادالىق كوميتەتتىڭ، فەدەراسيالاردىڭ جانە دەمەۋشىلەر ءوز دەڭگەيىندە قولداۋ ءبىلدىرىپ جاتىر. ءبىراق ناتيجە قايدا؟ سپورت - بۇل بۇكىل ەلدىڭ ءيميدجى. توكيو وليمپياداسىندا لايىقتى ناتيجەلەر كورسەتۋ ءۇشىن قاتەلەرمەن جۇمىس جاساڭىز. ۋاقىت از قالدى" ، - دەدى بەردىبەك ساپاربايەۆ.