ايتىسكەر اقىن جارقىنبەك ناۋشابەكوۆ قايتىس بولدى دەپ جازادى Qamshy.kz اقپارات اگەنتتىگى. بۇل تۋرالى "ايتىس اقىندارى مەن جىرشى تەرمەشىلەردىڭ حالىقارالىق وداعى" قوعامدىق بىرلەستىگىڭ اitysker.org سايتى حابارلادى. 

سايتتىڭ حابارلاۋىنشا، اقىن كەشە، قازاننىڭ 2ء-ى كۇنى قايتىس بولعان.

"قازان ايىنىڭ 2 جۇلدىزىندا بەلگىلى  اقىن، وڭتۇستىك وڭىرىندەگى  ايتىس ونەرىنىڭ تالانتتى وكىلدەرىنىڭ ءبىرى  — جارقىنبەك ناۋشابەكوۆ 44 جاسىنا قاراعان شاعىندا  اۋىر ناۋقاستان ومىردەن ءوتتى"، - دەلىنگەن وداق سايتىنىڭ حابارلاماسىندا. 

جارقىنبەك ناۋشابەكوۆ 1976 جىلى 12 قاڭتاردا وقو (قازىرگى تۇركىستان وبلىسى) سارىاعاش اۋدانى اقتوبە اۋىلىندا دۇنيەگە كەلگەن. 1997 جىلى ارقالىق قالاسىنداعى ى.التىنسارين اتىنداعى پەداگوگيكالىق ينستيتۋتتى بىتىرگەن. ايتىس ونەرىنە مەكتەپ جاسىنان ارالاسقان. العاشقى ءىرى جەڭىسى،   1992 جىلى شىمكەنت وبلىستىق جاس اقىندار ايتىسىنىڭ باس جۇلدەسىن جەڭىپ العان.  رەسپۋبليكالىق، حالىقارالىق اقىندار ايتىسىنىڭ بىرنەشە دۇركىن جەڭىمپازى. 2008 جىلدىڭ قورىتىندىسى بويىنشا "وڭتۇستىك قازاقستان وبلىسىنىڭ ەڭ ۇزدىك ايتىسكەر اقىنى" نوميناسياسىن يەلەنگەن. "ق ر تاۋەلسىزدىگىنە 20 جىل" مەدالىمەن ناگرادتالعان. ءومىرىنىڭ سوڭعى كەزەڭدەرى  سارىاعاش اۋداندىق تىلدەردى وقىتۋ جانە دامىتۋ ورتالىعىنىڭ ديرەكتورى قىزمەتىن اتقارعان.