قاراعاندى وبلىسى جاڭاارقا اۋدانى اكىمىنىڭ ورىنباسارى ب.ق.سەرىكبايەۆقا پارا العانى ءۇشىن 6 ميلليون تەڭگە كولەمىندە ايىپپۇل سالىندى. بۇل تۋرالى سىبايلاس جەمقورلىققا قارسى ءىس-قيمىل اگەنتتىگىنىڭ باسپا ءسوز قىزمەتى حابارلادى.
اگەنتتىكتىڭ حابارلاۋىنشا، سەرىكبايەۆ "جەكە تۇلعالاردىڭ پايدالانۋىنا جاتپايتىن قوسىمشا جەر ۋچاسكەسىن جالعا بەرۋ تۋرالى وڭ شەشىم قابىلداعانى ءۇشىن 200 مىڭ تەڭگە سوماسىندا پارا العان".
– قاراعاندى وبلىسىنىڭ سىبايلاس جەمقورلىققا قارسى قىزمەتى پارا العان جاڭاارقا اۋدانى اكىمىنىڭ ءبىرىنشى ورىنباسارى – جەر كوميسسياسىنىڭ ءتوراعاسى ب.ق.سەرىكوۆكە قاتىستى سوتقا دەيىنگى تەرگەۋدى اياقتادى. ول جەكە تۇلعالاردىڭ پايدالانۋىنا جاتپايتىن قوسىمشا جەر ۋچاسكەسىن جالعا بەرۋ تۋرالى وڭ شەشىم قابىلداعانى ءۇشىن ازاماتتان 200 مىڭ تەڭگە سوماسىندا پارا الدى دەگەن كۇدىككە ىلىنگەن بولاتىن. بيىل 7 قازاندا جاڭاارقا اۋداندىق سوتىنىڭ ۇكىمىمەن ب.ق. سەرىكوۆ پارا العانى ءۇشىن كىنالى دەپ تانىلىپ، وعان 6 ميلليون تەڭگە كولەمىندە ايىپپۇل سالىندى، – دەلىنگەن اگەنتتىكتىڭ حابارلاماسىندا.
پىكىر قالدىرۋ