مەملەكەت باسشىسى قاسىم-جومارت توقايەۆ ەلوردا بيۋدجەتىنىڭ نەگە قىسقاراتىنىن ءتۇسىندىرىپ، ۇكىمەتكە ونى تولىق ءتۇسىندىرۋدى كەڭەس بەردى.

"تاعى ءبىر ماڭىزدى ماسەلە – شاعىن جانە ورتا بيزنەستەن تۇسەتىن كورپوراتيۆتىك تابىس سالىعىن 2020 جىلدان باستاپ جەرگىلىكتى بيۋدجەتكە بەرۋ. ميكرو جانە شاعىن بيزنەس سۋبەكتىلەرىن سالىقتان بوساتقاننان كەيىن قالا بيۋدجەتى 40-50 ميلليارد تەڭگەگە قىسقارادى. نەگىزىندە، بۇل كۇتىلەتىن ناتيجە، ءماجبۇرلى شارا، بيزنەسكە كوبىرەك ادام تارتۋ ءۇشىن جاسالىپ وتىر. ۇكىمەتتەن مۇنى تراگەدياعا اينالدىرماۋدى وتىنەمىن. ودان دا باقىلاۋ جاساپ، ارەكەت ەتىڭدەر. سىزدەر جوسپارلانعان شىعىننىڭ ورنىن تولتىرۋعا قاجەتتى 230 ميلليارد تەڭگەنى وڭاي تاباسىزدار دەپ سانايمىن"، –  دەدى توقايەۆ نۇر-سۇلتاندى ودان ءارى دامىتۋ ماسەلەلەرى جونىندەگى جيىندا.

پرەزيدەنت ۇكىمەتپەن بيۋدجەتكە تۇسەتىن كىرىستەر جايلى 15 قازاندا وتەتىن جينالىستا تاعى سويلەسەتىنىن اتاپ ءوتتى.

"ەسەسىنە ءبىز حالىقتى بيزنەسپەن اينالىسۋعا ىنتالاندىرامىز. ايتپەسە، تىعىرىقتان شىعا المايمىز"، –  دەدى ول.

سونداي-اق قازاقستان پرەزيدەنتى قاسىم-جومارت توقايەۆ جاريا ەتكەن جولداۋلارىنىڭ بىرىندە ۇكىمەتكە ميكرو جانە شاعىن بيزنەستى ءۇش جىلعا تابىس سالىعىنان بوساتۋ تۋرالى زاڭ جوباسىن ازىرلەۋدى تاپسىرعان بولاتىن.

.