قازاقستاندىق عالىم كونستانتين سىروەجكين سوت شەشىمىمەن 10 جىلعا سوتتالدى دەپ حابارلايدى Qamshy.kz اقپارات اگەنتتىگى ۇلتتىق قاۋىپسىزدىك كوميتەتىنىڭ باسپا ءسوز قىزمەتىنە سىلتەمە جاساپ.

الماتى قالاسىنىڭ مامانداندىرىلعان اۋدانارالىق قىلمىستىق ىستەر بويىنشا سوتى كونستانتين سىروەجكيندى قىلمىستىق كودەكستىڭ 175-بابىنىڭ 1ء-بولىمى "مەملەكەتكە وپاسىزدىق جاساۋ" بويىنشا كىنالى دەپ تانىپ، 10 جىلعا سوتتادى.

ۇلتتىق قاۋىپسىزدىك كوميتەتى باسپا ءسوز قىزمەتىنىڭ حابارلاۋىنشا، سوت ۇكىمى 2019 جىلدىڭ 7 قازانىندا شىققان. كونستاتين سىروەجكين – قازاقستان ازاماتى.

كونستاتين سىروەجكين دەگەن كىم؟

قازاقستان پرەزيدەنتى جانىنداعى قازاقستان ستراتەگيالىق زەرتتەۋلەر ينستيتۋتىنىڭ سايتىندا 62 جاستاعى سىروەجكين 2006 جىلدىڭ باسىنان بەرى باس عىلىمي قىزمەتكەر بولىپ جۇمىس ىستەيتىنى حابارلانعان.

مامىر ايىنىڭ باسىندا باق-تا قازاقستاندىق ارنايى قىزمەتتەر سىروەجكيندى، الدىن الا بولجام بويىنشا، تىڭشىلىق جاسادى دەگەن ايىپپەن ۇستاعانى تۋرالى اقپارات جاريالاندى.

كەيىنىرەك قازاقستاندىق عالىمدار بيلىكتەن سىروەجكينگە قاتىستى جاعدايدى ءتۇسىندىرۋدى جانە ەگەر بۇل اقپارات راستالسا، تەرگەۋ بارىسىن جەكە باقىلاۋعا الۋدى سۇرادى.

2019 جىلدىڭ 15 قاڭتارىندا ۇلتتىق قاۋىپسىزدىك كوميتەتى سىروەجكينگە قاتىستى قىلمىستىق كودەكستىڭ 175-بابىنىڭ 1-بولىگى "مەملەكەتكە وپاسىزدىق جاساۋ" بويىنشا قىلمىستىق ءىس قوزعادى.

سىروەجكين – قىتايتانۋشى عالىم، كوپتەگەن كىتاپتىڭ، سونداي-اق ورىس، اعىلشىن جانە جۇڭگو تىلدەرىندەگى مىڭنان اسا ماقالانىڭ اۆتورى.

اشىق دەرەككوزدەرگە سۇيەنسەك، ول قازاقستان ساياسي عىلىمدار اكادەمياسىنىڭ اكادەميگى، تاريحي عىلىمدار كانديداتى جانە ساياسي عىلىمدار دوكتورى، سونداي-اق سينسزيان ۋنيۆەرسيتەتىنىڭ قۇرمەتتى پروفەسسورى.