پولشالىق باپكەر كاميل شەرەمەتا كەلەسى جەكپە-جەگىن قازاقستاندىق گەنناديي گولوۆكينگە قارسى وتكىزەتىنىن ءمالىم ەتتى دەپ جازادى Qamshy.kz اقپارات اگەنتتىگى Vesti.kz. سايتىنا سىلتەمە جاساپ.
"گولوۆكينمەن جەكپە-جەك اقپاننىڭ باسىندا بولادى. IBF تۇجىرىمى بويىنشا الەم چەمپيونى تيتۋلى ءۇشىن جۇدىرىقتاسامىز"، - دەدى شەرەمەتا TVP-گە بەرگەن سۇحباتىندا.
پولياك دايىندىقتى قاراشادا باستايمىن دەپتى. بۇعان دەيىن The Athletic ينسايدەرى مايك كوپپيندجەر مەن باسىلىم ءجۋرناليسى مايكل بەنسون گولوۆكين - شەرەمەتا جەكپە-جەگى بويىنشا كەلىسىمگە قول قويىلعانىن حابارلاعان ەدى.
IBFء-تىڭ قىركۇيەكتەگى رەيتينگىندە شەرەمەتا گولوۆكين مەن ۋكراينالىق سەرگەي دەريەۆيانچەنكودان سوڭ ءۇشىنشى ورىندا تۇرعان. پولياك قازانداعى رەيتينگتە كوشباسىنا شىعىپ، تيتۋلعا رەسمي ۇمىتكەر بولماق.
قىركۇيەكتە شەرەمەتا پروموۋتەر ەددي حيرنمەن كەلىسىمشارتقا وتىرعان. بۇل پروموۋتەرمەن گولوۆكين دە جۇمىس ىستەيدى. پولشالىق بوكسشى اقش-تاعى دەبيۋتىن گولوۆكين - دەريەۆيانچەنكو كەشىنىڭ اندەركارتىندا وتكىزگەن. سول كەزدەسۋدە ول مەكسيكالىق وسكار كورتەستى ەكىنشى راۋندتا نوكاۋتقا تۇسىرگەن ەدى.
كاميل شەرەمەتا كاسىپقوي بوكستا 21 جەكپە-جەك وتكىزىپ، بارىندە جەڭىسكە جەتكەن. ال اۋەسقوي كارەراسىندا 2010 جىلى قازاقستاندىق سەرىك ساپييەۆتەن باسىم تۇسكەن.
پىكىر قالدىرۋ