سىبايلاس جەمقورلىققا قارسى ءىس-قيمىل اگەنتتىگى مۇعالىمدەر اراسىندا ءتۇسىندىرۋ جۇمىستارىن باستادى. بۇگىن استانادا ارنايى جيىن ءوتىپ، سول جەردە ءبىلىم سالاسىنداعى جەمقورلاردىڭ تولىق ءتىزىمى جاريالاندى، دەپ حابارلايدى Qamshy.kz اقپارات اگەنتتىگى Sputnik قازاقستان ءتىلشىسىنىڭ دەرەگىنە سۇيەنىپ.
جينالىس كەزىندە استانالىق مۇعالىمدەرگە ارنايى بەينەروليك كورسەتىلدى. وندا ءبىلىم سالاسىنداعى جەمقورلاردىڭ ىستەرىنە شولۋ جاسالادى. روليكتىڭ باسىندا بۇرىنعى ءبىلىم جانە عىلىم ۆيسە-مينيسترى ەلميرا سۋحانبەردييەۆا مەن №3 مەكتەپ گيمنازياسىنىڭ بۇرىنعى ديرەكتورى ەلەنا شيەۆەرنيايەۆانىڭ ءىسى جايىندا ايتىلادى. ودان كەيىن "كاسىپقور"حولدينگىنىڭ باسقارما ءتوراعاسى ەلدانا ءسادۋاقاسوۆانىڭ قىلمىسى باياندالعان. ول وندىرىستىك قۇرال-جابدىقتارعا بولىنگەن 2،4 ميلليون اقش دوللارىن جىمقىرىپ كەتكەن. بۇدان بولەك، اقتوبە، ماڭعىستاۋ، قاراعاندى، شىعىس قازاقستان مەن الماتى وبلىستارىندا بولعان جەمقورلىق ارەكەتتەردىڭ تولىق ءتىزىمى جاسالىپتى. سونىڭ بارلىعى ۆيدەودا كورسەتىلگەن.
اگەنتتىكتىڭ اقپاراتى بويىنشا سوڭعى ءۇش جىلدىڭ ىشىندە ءبىلىم بەرۋ سالاسىندا 450 جەمقورلىق فاكتىسى تىركەلگەن. سوتقا 355 قىلمىستىق ءىس جولداندى. وسى قىلمىستار بويىنشا 178 ادام سوتتالدى
پىكىر قالدىرۋ