سەبەبى ول جەرلەردە حالىق سانى 500 ادامنان از. ال حالىق سانى 50-دەن اسپايتىن 500-گە تارتا ەلدى-مەكەن بار دەپ جازادى Qamshy.kz اقپارات اگەنتتىگى inbusiness.kz اقپارىن نەگىزگە الىپ.  

بىرەر كۇن بۇرىن پرەزيدەنت قاسىم-جومارت توقايەۆ «ءبىز ىشكى ميگراسيانى باقىلاۋدى كۇشەيتۋىمىز كەرەك. بۇلاي جالعاسا بەرسە، جاعداي قيىندايدى. مەن ءوزىمنىڭ حالىققا جولداۋىمدا «قالالارداعى حالىق سانىنىڭ كوپتىگى – ماقتانىش ەمەس، بۇل شەشىلۋى ءتيىس ماسەلە» دەگەن بولاتىن.

ەلىمىزدە ىشكى ميگراسيا اقساپ تۇر. نەگە؟ ماسەلەن «اۋىل – ەل بەسىگى»، «ديپلوممەن اۋىلعا»، «سەرپىن» سياقتى ءتۇرلى باعدارلامالار قولعا الىندى. الايدا ناتيجەسى شامالى سياقتى. مىسالى، ديپلوممەن اۋىلعا بارعان ماماندار كەلىسىم-شارت بويىنشا جۇمىستارىن ىستەپ، ۋاقىتتارى اياقتالعاندا بىردەن قالاعا قاشادى.

«نۇر-سۇلتاننىڭ مۇمكىندىگى شەكسىز ەمەس. سونى ەسكەرۋ كەرەك. كەز-كەلگەن ادام ەلوردادا تۇرىپ، ءبىلىم العىسى كەلەدى. ءبىراق ءۇيسىز، كۇيسىز استانادا ءومىر سۇرۋ قيىن. ارينە، ءبىز ەشكىمگە تىيىم سالا المايمىز. الايدا قاي جەردە جاقسى جاعداي بارىن ءتۇسىندىرۋ شارالارىن جۇرگىزۋ قاجەت»، – دەيدى ق ر پرەمەر-مينيسترىنىڭ ورىنباسارى بەردىبەك ساپاربايەۆ.

ءاربىر سالانىڭ ءوز ستاندارتتارى بار. مىسالى، ەگەر بالا سانى 15-تەن تومەن بولسا، ول اۋىلدا باستاۋىش مەكتەپ جابىلادى. سول سەبەپتى، دامىماي وتىرعان اۋىلداردا الەۋمەتتىك نىسانداردى سالۋدىڭ قاجەتى جوق. سەبەبى ول جەرگە 200-300 ملن تەڭگە تۇراتىن سۋ جۇيەلەرىن تارتۋعا مۇمكىندىك  جوق ەكەن.