پاۆلودار وبلىسى دەنساۋلىق ساقتاۋ باسقارماسىنىڭ  باسپا ءسوز بايانداماسىنا سۇيەنىپ، پاۆلودارسكوە اۋىلىنداعى مەكتەپ اسحاناسىندا جەتى بالا ۋلانىپ قالعاندىعى تۋرالى  Qamshy.kz اقپارات اگەنتتىگى حابارلايدى.

اتا-انالاردىڭ سوزىندە، بالالار اسحانادا تاماقتانعان سوڭ، ۋلانۋ بەلگىلەرى بايقالعان. وقۋشىلار وبلىستىق اۋرۋحاناعا جەتكىزىلدى.

№40 مەكتەپتىڭ اتا-انالار كوميتەتىنىڭ مۇشەسى ساۋلە شاكىبايەۆانىڭ بالالار بالىشتەن ۋلانۋى مۇمكىن دەگەن بولجامىن ايتتى. بالالاردا ۋلانۋ بەلگىلەرى تۇندە بايقالعانىمەن اتا-انالارى تاڭەرتەڭ جەدەل جاردەم شاقىرعان.

№40 مەكتەپ ديرەكتورىنىڭ ورىنباسارى ەلەنا مينايەۆانىڭ ايتۋىنشا، مەكتەپ اكىمشىلىگى جاعدايدى باقىلاۋعا العان. اتا-انالاردىڭ شاعىمى تەكسەرىلىپ جاتىر. سانيتارلىق-ەپيدەميولوگيالىق قورىتىندىدان سوڭ شەشىم قابىلدانادى.

پاۆلودار وبلىسى دەنساۋلىق ساقتاۋ باسقارماسىنىڭ انا مەن بالانى قورعاۋ ءبولىمىنىڭ قىزمەتكەرلەرى بالالاردىڭ جاعدايى قاناعاتتاندىرارلىق ەكەنىن جەتكىزدى.