الماتىدا پوليسەيلەر ساۋدا ورتالىعىندا بىرنەشە نوۋتبۋك ۇرلاپ، بەينەباقىلاۋ كامەراسىنا ءتۇسىپ قالعان قىزدى ۇستادى دەپ حابارلايدى Qamshy.kz اقپارات اگەنتتىگى قالالىق پوليسيا دەپارتامەنتىنە سىلتەمە جاساپ.
"بىرنەشە كۇن بۇرىن الەۋمەتتىك جەلىلەردە جاس قىزدىڭ سۋرەتى جاريالانعان بولاتىن، ول بوتەن مۇلىكتى جاسىرىن ۇرلاۋ ارقىلى Lenovo ماركالى ەكى نوۋتبۋگىن الىپ كەتكەن، وسىلايشا دۇكەنگە 300 مىڭ تەڭگە كولەمىندە ماتەريالدىق شىعىن كەلتىرگەن. ول قىلمىستى ءىرى ساۋدا ورتالىعىندا، ەلەكترونيكا جانە تۇرمىستىق تەحنيكا دۇكەندەرىندە جاساعان"، - دەدى پد كريمينالدىق پوليسيا باسقارماسىنىڭ باسشىسى جانبولات زيادين.
"ۇستالعان قىزدىڭ كىم ەكەنى انىقتالدى، ول الماتى وبلىسىنىڭ تۋماسى، الماتى تۇرعىنى 1999 جىلعى ت. ەسىمدى ازاماتشا. بۇرىن قىلمىستىق جاۋاپكەرشىلىككە تارتىلماعان. قىز ۇستالدى. ءقازىر تەرگەۋ بارىسىندا ونىڭ ۇقساس قىلمىستارعا قاتىستىلىعى انىقتالىپ جاتىر. ق ر قك 188-بابى "ۇرلىق" بويىنشا سوتقا دەيىنگى تەرگەۋ باستالدى"، - دەپ ءتۇسىندىردى زيادين.
پىكىر قالدىرۋ