الماتى قالاسىنىڭ اكىمدىگى ەرەۋىلگە شىققان جۇمىسشىلارعا قاتىستى تۇسىنىكتەمە بەردى، – دەپ Qamshy.kz اقپارات اگەنتتىگى حابارلايدى.

ق ر ءسىم الماتى قالالىق ءموبيلدى باسقارماسىنىڭ حابارلاۋىنشا، وقيعا رىسقۇلوۆ داڭعىلى مەن ەمسوۆا كوشەسىنىڭ قيىلىسىندا جول ايىرىعىن سالىپ جاتىر «ريازانوۆ اتىنداعى № 25 موستوسترويتەلنىي» ج ش س جايىندا بولىپ وتىر.

مەردىگەردىڭ ايتۋىنشا، قازىرگى ۋاقىتتا ولاردىڭ جۇمىسشىلارعا بەرەشەگى بار. تاپسىرىس بەرۋشى تاراپىنان (الماتى قالالىق ءموبيلدى باسقارماسى) ناقتى ورىندالعان جۇمىس ءۇشىن تولەم تولىعىمەن تولەندى جانە مەردىگەر الدىندا قارىزى جوق. سونداي-اق الماتى اكىمدىگىنىڭ الەۋمەتتىك ءال-اۋقات باسقارماسىنىڭ ەڭبەك قاۋىپسىزدىگىن باقىلاۋ ءبولىمىنىڭ باسشىلارى جۇمىسشىلارمەن كەزدەسىپ ولارعا ەڭبەك زاڭناماسى بويىنشا اقپارات بەردى.

«رىسقۇلوۆ پەن ەمسوۆ كوشەسىنىڭ قيىلىسىنداعى كوپىر قۇرىلىسىن «ريازانوۆ اتىنداعى № 25 موستوسترويتەلنىي» ج ش س جۇرگىزۋدە. سەرىكتەستىك 32 جۇمىسشىعا جالاقى تولەمەي وتىر. ولاردىڭ بەرەشەگى 18،3 ملن تەڭگەنى قۇرادى. وسى فاكتى بويىنشا الماتى وبلىسىنىڭ ەڭبەك ينسپەكسياسى جوسپاردان تىس تەكسەرۋ جۇرگىزگەن. جۇمىس بەرۋشى اكىمشىلىك جاۋاپكەرشىلىككە تارتىلادى. بۇزۋشىلىقتاردى جويۋ تۋرالى ەسكەرتۋ بەرىلدى. الايدا بۇگىنگە كۇنگە دەيىن تالاپتار ورىندالماي وتىر. تەكسەرۋ ماتەريالدارى قۇقىق قورعاۋ ورگاندارىنا ق ر قك-نىڭ 152-بابى بويىنشا شەشىم شىعارۋ ءۇشىن جىبەرىلدى، – دەپ حابارلادى اكىمدىكتەن.