ورالدا وبلىستىق اۋرۋحانا كۇزەتشىلەرى ناۋقاس ادامدى دالاعا شىعارىپ تاستاعان. جىلجىمالى زەمبىلگە جاتقىزىلعان ەر ادامعا سول ماڭدا جۇرگەن ادامدار اراشا ءتۇستى، دەپ حابارلايدى Qamshy.kz اقپارات اگەنتتىگى.
ناۋقاستى دالاعا شىعارعان كۇزەتشىلەر دارىگەرلەردىڭ "تاپسىرماسى" ەكەنىن ايتتى. وبلىستىق اۋرۋحانانىڭ دارىگەرلەرى كۇزەتشىلەرگە "ناۋقاستى سىرتقا شىعارىپ تاستاڭدار" دەگەن.
ۆيدەوداعى ناۋقاستىڭ ىشىمدىك ىشپەگەن، تەك كۇتىمسىز جۇرگەنى انىق بايقالادى. كەلەڭسىز جايتتى ۇيالى تەلەفونعا تۇسىرە باستاعان سوڭ كۇزەتشىلەر ونى ىشكە قايتا كىرگىزگەن. ناۋقاستىڭ ءاتى-جونى — ارمان دوسجانوۆ. 53 جاستاعى ەر ادام باس جاراقاتىمەن اۋرۋحاناعا ءتۇسىپتى. دارىگەرلەر ونى تولىقتاي تەكسەرىستەن وتكىزگەن. قازىرگى ونىڭ جاعدايى ءبىرقالىپتى.
باتىس قازاقستان وبلىستىق دەنساۋلىق ساقتاۋ باسقارماسىنىڭ مالىمەتىنشە، سول كۇنى ناۋقاستاردىڭ سانى كوپ بولعان. سوندىقتان كەزەكشى دارىگەرلەر ەكى كۇزەتشىگە تۇرعىلىقتى جەرى جوق ادامدى قابىلداۋ بولىمىنەن تەراپياعا اپارۋدى تاپسىرىپتى-مىس. سونداي-اق ولار ەندى ءوز ىسىنە سالعىرت قاراعاندار جازادان قۇتىلمايدى دەپ سەندىردى. دەگەنمەن اۋرۋحانا باسشىلىعى ناۋقاستار كوبەيگەن كەزدە تاسىمالداۋ ءىسىن كۇزەتشىلەرگە تاپسىراتىنىن ايتتى.
— كۇزەتشىلەر دە قاي جەرگە اپارۋدى بىلمەي قالدى. جاڭا كەلگەن قىزمەتكەر بولعان سوڭ، كورپۋستى بىلمەيدى. قاسىمىزداعى جۇرگەن كۇزەت اگەنتتىگىندەگى كىسىلەرگە ءسويتىپ تاپسىرما بەرگەن. ولار دا كەيدە بىزگە كومەكتەسەدى، - دەيدى بقو-داعى وبلىستىق اۋرۋحاناسىنىڭ ديرەكتورى ارمان بايدەۋوۆ.
پىكىر قالدىرۋ