ۇلىبريتانيا بيلىگى Brexitء-تى 31 قازاندا جۇزەگە اسىرىپ، بريتاندىق ەكونوميكانى تۇراقتاندىرا ءتۇسۋ ءۇشىن ەۋرووداقپەن سەرىكتەستىكتىڭ جاڭا جولدارىن جاساۋعا نيەتتى. ونى بريتانيا حانشايىمى ءىى ەليزاۆەتا ماقۇلدادى، دەپ جازادى ريا نوۆوستي.
ۇلىبريتانيا كوروليەۆاسى پارلامەنتتىڭ جاڭا سەسسياسىنىڭ اشىلۋ سالتاناتىندا ءسوز سويلەپ، بۇل سەسسيانىڭ تاريحي بولاتىنىن اتاپ ءوتتى.
– ۇكىمەت ەۋرووداقتان شىعۋدى 31 قازاندا جوسپارلاپ وتىر. ۇلىبريتانيا ەو-مەن جاڭا سەرىكتەستىك نەگىزىندە جۇمىس ىستەي بەرەدى. سەرىكتەستىك ەركىن ساۋدا مەن ەكىجاققا ءتيىمدى ارىپتەستىك قاعيداتىمەن قۇرالادى، – دەدى ءىى ەليزاۆەتا.
كوروليەۆا سونداي-اق ەلدىڭ ىشكى ماسەلەلەرىنە نازار اۋداردى. ول ۇكىمەتتىڭ عىلىمدى، عارىشتى يگەرۋدى دامىتۋعا، بريتان اسكەرىنىڭ الەۋەتىن ارتتىرۋعا، الەۋمەتتىك ماسەلەلەردى شەشۋگە ءمان بەرۋى تيىستىگىن ايتتى.
ەو-دان شىعىسىمەن بريتانيا ۇكىمەتى بالىق، اۋىل شارۋاشىلىعى مەن ساۋدا سالاسىنا قاتىستى مول مۇمكىندىكتەردى اشاتىن جاڭا تارتىپتەر ەنگىزبەك.
پىكىر قالدىرۋ