دەنساۋلىق ساقتاۋ مينيسترلىگى ۆاكسيناسيادان باس تارتۋ سالدارىنان بالالارى اۋىرىپ قالعان اتا-انالارعا ايىپپۇل سالۋدان باس تارتتى دەپ حابارلايدى Qamshy.kz اقپارات اگەنتتىگى Tengrinews.kz ءتىلشىسى سايتىنا سىلتەمە جاساپ.

بۇل تۋرالى قازاقستاننىڭ باس سانيتار دارىگەرى جانداربەك بەكشين وقك بريفينگىنەن كەيىن مالىمدەدى.  بۇعان دەيىن ۆاكسيناسيادان نەگىزسىز باس تارتۋ سالدارىنان بالانىڭ دەنساۋلىعىنا ءقاۋىپ توندىرسە، اتا-انالارعا ايىپپۇل سالۋدى ۇسىنىلعان. 

بەكشين بۇل نورمانىڭ كودەكس جوباسىندا جوق ەكەنىن ءتۇسىندىردى. "ايىپپۇل تەك مەكتەپكە دەيىنگى مەكەمە باسشىلارىنا قاتىستى. اتا-انالارىنا ايىپپۇل سالىنبايدى"، - دەيدى جانداربەك بەكشين.

ايتا كەتەيىك، ەكپە سالىنباعان بالالاردى بالاباقشالارعا قابىلدانبايدى. ەگەر مەكتەپكە دەيىنگى مەكەمە باسشىسى ەكپە سالىنباعان بالانى قابىلداسا، ايىپپۇل سالىنۋى مۇمكىن.  "ءبىز ءتۇسىندىرۋ جۇمىستارىن جۇرگىزىپ جاتىرمىز. ەگەر مەكەمە باسشىسى شارا قولدانباسا، بۇيرىق شىعارامىز. بۇيرىق ورىندالماعان جاعدايدا ءىس سوتقا بەرىلەدى. ايىپپۇل كولەمى - 15 اەك (37،8 مىڭ تەڭگە). بۇل نورما دەنساۋلىق ساقتاۋ جاڭا كودەكسى قابىلداعان كەزدە كۇشىنە ەنەدى"، - دەدى بەكشين.