بۇگىن قازاقستان پرەزيدەنتى قاسىم-جومارت توقايەۆ "قازاقستان رەسپۋبليكاسى پرەزيدەنتىنىڭ كەيبىر اكتىلەرىنە وزگەرىستەر مەن تولىقتىرۋلار ەنگىزۋ تۋرالى" جارلىققا قول قويعانى الەۋمەتتىك جەلىدە قىزۋ تالقىعا ءتۇستى. وسى جارلىققا قاتىستى بۇگىن، قازاندا ءماجىلىس دەپۋتاتتارى ازاتتىق راديوسى پىكىرلەرىن ايتقان.
"توقايەۆ نازاربايەۆسىز شەشىم قابىلداي الماي ما؟" دەگەن سۇراققا ءماجىلىس دەپۋتاتتارىنىڭ بارلىعى ءبىراۋىزدان كەلىسىپ العانداي "كەلىسىپ پىشكەن تون كەلتە بولماس" دەپ جاۋاپ بەرىپتى.
– ەلباسىنىڭ ءوزى دە سۇحباتتارىندا "ءبىزدىڭ ەلدە قوس بيلىك اتىمەن جوق" دەپ ءبىر ەمەس بىرنەشە رەت ايتقان بولاتىن. ءبىراق وسى سۇراققا "كەلىسىپ پىشكەن تون كەلتە بولماس" دەگەن ءسوز جاۋاپ بولىپ تۇرعان سەكىلدى، – گەنناديي شيپوۆسكيح.
– ەلباسى دا لاۋازىمدى ادام. ونىڭ مەملەكەتكە كوپ ەڭبەگى سىڭگەن. سونداي-اق ول مەملەكەتتەگى بارلىق كادرلاردى جاقسى بىلەدى. ەكى لاۋازىمدى ادام كەلىسىپ دۇرىس شەشىم قابىلدايدى دەپ ويلايمىن، – دەيدى مەرۋەرت قازبەكوۆا.
– قالعان قۇزىرلى جۇمىستاردىڭ بارلىعىن ازاماتتىق قوعامداعى پىكىرمەن ساناسا وتىرىپ، ءوزىنىڭ قۇزىرەتىن تولىققاندى ورىنداپ، ال ساناۋلى اسا ماڭىزدى ماسەلەلردى اقىلداسقانىنىڭ ەش ابەستىكى جوق. كەلىسىپ پىشكەن تون كەلتە بولماس دەگەن ويدامىن، – دەپ پىكىر ءبىلدىردى باقىتبەك سماعۇل.
– بۇل جەردەگى مۇقتاجدىق ەمەس. كەلىسىپ پىشكەن تون كەلتە بولماس دەپ ويايمىن. بۇل جەردە پرەزيدەنتىمىزدىڭ دە شەشە الاتىن كورەگەندىگى جەتەدى.ەلباسىمىز ەلدى جاساعان ەلدىڭ باسى بولعاندىقتان كەلىسىپ، جەتى رەتولشەپ ءبىر رەت كەسكەننىڭ ەش ايىبى جوق دەپ ويلايمىن، – دەيدى باقىتگۇل حامەنوۆا.
پىكىر قالدىرۋ