پرەزيدەنت قاسىم-جومارت توقايەۆ جوعارعى سوت ءتوراعاسى جاقىپ اسانوۆتى قابىلدادى، – دەپ حابارلايدى Qamshy.kz اقپارات اگەنتتىگى
قازاقستان پرەزيدەنتىنە بيىلعى 9 اي ىشىندەگى جوعارعى سوت قىزمەتىنىڭ قورىتىندىلارى مەن سوت جۇيەسىن جەتىلدىرۋ بويىنشا جۇرگىزىلگەن جۇمىستار جونىندە مالىمەت بەرىلدى.
مەملەكەت باسشىسى قاسىم-جومارت توقايەۆقا سۋديالاردى ىرىكتەۋ جۇيەسىن جاقسارتۋ، ءبىرىڭعاي سوت تاجىريبەسىن قامتاماسىز ەتۋ، سوت تورەلىگىن جاڭعىرتۋ، سونىڭ ىشىندە سوتتان تىس تاتۋلاسۋ ورتالىقتارىن قۇرۋ، وتباسى سوتتارى مەن فرونت-وفيستەر جايىندا اتقارىلعان شارالار تۋرالى باياندالدى.
پرەزيدەنت حالىقتىڭ سوت جۇمىسىنا دەگەن سەنىمىن ارتتىرۋ، ازاماتتاردىڭ ءوتىنىش-شاعىمدارىن ءادىل قاراۋ، شىعارىلاتىن سوت شەشىمدەرىنىڭ ساپاسىن جاقسارتۋ قاجەتتىگىن ايتتى.
سونداي-اق كەزدەسۋ بارىسىندا سۋديالاردىڭ جۇكتەمەسىن ازايتۋ جانە سوت شەشىمدەرىنىڭ ساپاسىنا كەرى اسەر ەتەتىن ولارعا قاتىسى جوق ىستەردەن بوساتۋ جونىندە شارالار قابىلداۋدى تاپسىردى. ودان وزگە توقايەۆ سۋديالار كورپۋسىنىڭ قۇزىرەتتىلىگىن ارتتىرۋ جۇمىستارىن جالعاستىرۋدىڭ ماڭىزدىلىعىنا نازار اۋداردى.
پىكىر قالدىرۋ