پەتروپاۆلدا جاپپاي توبەلەس ۇيىمداستىرعان ستۋدەنتتەر وقۋدان شىعارىلادى دەپ حابارلايدى Qamshy.kz اقپارات اگەنتتىگى ktk.kz سايتىنا سىلتەمە جاساپ.

پەتروپاۆلدا جاستار جاپپاي توبەلەسىپ، ونداعان ادام قولعا ءتۇستى. سولتۇستىك قازاقستان مەملەكەتتىك ۋنيۆەرسيتەتىنىڭ 2ء-شى جانە 3ء-شى كۋرس شاكىرتتەرى اسحانادا كەزەككە تالاسىپ، ارتى ۇلكەن داۋعا ۇلاسىپ، كەيىن قاقتىعىس بولعان

وقيعا ەسىل وزەنىنىڭ جاعاسىنداعى «ۆوستوچنىي بەرەگ» ءدامحاناسىنىڭ ماڭىندا بولدى. پوليسياعا جىگىتتەردىڭ جاپپاي توبەلەسىپ جاتقانىن جاتاقحاناداعى كەزەكشى ستۋدەنتتەر حابارلاعان. وقيعا ورنىنا جەتكەن ءتارتىپ ساقشىلارىن كورگەن جاستار تىم-تىراقاي قاشا جونەلەدى. بارلىعى 46 ستۋدەنت قولعا ءتۇستى. كوپشىلىگى وقۋعا ەلىمىزدىڭ وڭتۇستىگىنەن كەلگەندەر. ابىروي بولعاندا، اۋىر جاراقات الىپ، دەنساۋلىعىنا ءقاۋىپ تونگەندەر جوق. تەك ءبىر وقۋشىعا ازداعان مەديسينالىق كومەك كورسەتىلگەن.

ال وقۋ ورنىنىڭ باسشىلارى توبەلەسكە قاتىسقاندارعا سوگىس جاريالاپ، ۇيىمداستىرعانداردى وقۋدان شىعاراتىنىن ايتتى.

ەربول يساقايەۆ، م. قوزىبايەۆ اتىنداعى سقمۋ پرورەكتورى: - جوعارى وقۋ ورنىنىڭ ستۋدەنتى اتانۋ بۇل جوعارعى كاتەگوريا. جاستار وزدەرىنىڭ بولاشاق زيالى قاۋىم وكىلى ەكەنىن جاقسى ءتۇسىنۋى كەرەك. ال ءبىز ولاردى سولتۇستىك قازاقستان مەملەكەتتىك ۋنيۆەرسيتەتى ستۋدەنتتەرىنىڭ ادەپ كودەكسىن بۇزعانى ءۇشىن وقۋدان شىعاراتىن بولامىز.