قازاقستاندىق جۇرگىزۋشى كۋالىكتەرىنە ساۋساق ىزدەرى تىركەلەدى دەپ حابارلايدى Qamshy.kz اقپارات اگەنتتىگى Tengrinews.kz سايتىنا سىلتەمە جاساپ.
"ءبىز جۇرگىزۋشى كۋالىكتەرىن تىركەۋ قاۋىپسىزدىگىن قامتاماسىز ەتەمىز. جادى كوپ جاڭا ۇلگىدەگى چيپتەردى ەنگىزىپ جاتىرمىز. ول كوپ اقپارات ساقتاۋ ءۇشىن قاجەت، سەبەبى قۇجات يەسىنىڭ بيومەتريكالىق دەرەكتەرىن، ونىڭ ىشىندە ساۋساق ىزدەرىن دە ەنگىزبەكشىمىز. چيپ قۇجاتتىڭ ارتقى بولىگىندە ورنالاستىرىلادى. جاڭا كولىك قۇجاتى جەكە قۇجاتقا ۇقساس. تىركەۋ تۋرالى كۋالىككە سايكەس قۇجاتتىڭ ءتۇسىن وزگەرتۋدى جوسپارلاپ وتىرمىز"، - دەپ حابارلادى ءىىم اكىمشىلىك پوليسيا كوميتەتى ءتوراعاسىنىڭ ورىنباسارى الىبەك كەڭىسبايەۆ.
كولىك قۇجاتىنا ساۋساق ىزدەرىن 2021 جىلدان ەنگىزە باستايدى. بۇعان دەيىن جۇرگىزۋشى كۋالىگى مەن تەحنيكالىق ءتولقۇجاتتىڭ جاڭا ۇلگىسىنىڭ ەسكيزى پايدا بولعان. جۇرگىزۋشى كۋالىگىنىڭ ءتۇسى وزگەرەدى.
ءىىم جاڭا جۇرگىزۋشى كۋالىكتەرىن دايىنداۋ بارىسىندا ساپالى تەحنيكالىق ونىمدەردى قولدانۋعا ۋادە بەردى.
پىكىر قالدىرۋ