ەكس- پرەمەر-مينيستر سەرىك احمەتوۆ باس بوستاندىعىن شەكتەۋ جازاسىن مەرزىمىنەن بۇرىن بوساتۋعا الماستىرۋدى سۇرادى. اتالمىش اقپاراتتى قاراعاندى وبلىستىق سوتى راستادى.
"قاراعاندى قالاسىنىڭ قازىبەك اۋداندىق سوتىنا سەرىك احمەتوۆتەن مەرزىمىنەن بۇرىن شارتتى بوساتۋ تۋرالى ءوتىنىش ءتۇستى. ءىس 25 قازان كۇنى ساعات 10:30-دا قارالادى"، – دەپ حابارلادى سوتتا.
ەسكە سالساق، وتكەن جىلدىڭ مامىر ايىندا ەكس - پرەمەر-مينيستر سەرىك احمەتوۆ قازىبەك اۋداندىق سوتىنا جازانى جەڭىلدەتۋگە قاتىستى ءوتىنىش جولداعان بولاتىن. سونداي-اق ول باس بوستاندىعىن شەكتەۋ جازاسىن ايىپپۇلعا الماستىرۋدى سۇرادى.
كەيىن سەرىك احمەتوۆ ءوتىنىشىن قايتىپ الۋ تۋرالى ارىز ءتۇسىردى. ناقتى ايتقاندا، ارىزىنا بايلانىستى ونىڭ ءوتىنىشى سوتتا قارالعان جوق. ال 24 مامىردا سۋديا ءتيىستى قاۋلى شىعاردى.
پىكىر قالدىرۋ