ەجەلگى كوشپەندىلەر ءداۋىرىنىڭ تۇرمىستىق زاتتارى اقتوبە قالاسى تۇرعىنىنىڭ جەر ۋچاسكەسىنەن تابىلدى، – دەپ Qamshy.kz اقپارات اگەنتتىگى حابارلايدى

ۋچاسكە يەسى ايدوس اقداۋلەت ۇلى تابىلعان زاتتار 40-50 سانتيمەتر تەرەڭدىكتە قۇرىلىس جۇمىستارى كەزىندە تابىلعانىن ايتتى.

«سول كۇنى قۇرىلىسشىلار ىرگەتاستىڭ نەگىزىن قازىپ، جەرمەن بىرگە وسى ارتەفاكتىلەردى شىعاردى. مەن ەجەلگى زاتتاردى مۇنداي تاياز تەرەڭدىكتە كومۋ ەكىتالاي دەپ ويلادىم. سودان كەيىن مەن ولاردى ۇيگە اكەلىپ، مۇقيات قاراپ، ماماندارعا جۇگىنۋدى شەشتىم» – دەدى ايدوس اقداۋلەتت ۇلى

تابىلعان زاتتار اراسىندا ات ابزەلدەرى مەن قۇرباندىققا ارنالعان ىدىس بار. ولاردىڭ شامامەن جاسى – 2500 جىل.

تابىلعان زات تۋرالى وبلىستىق تاريحي-ولكەتانۋ مۇراجايىنىڭ ديرەكتورى مەيرام دۇيسەنعالي تۇسىنىكتەمە بەردى. ونىڭ ايتۋىنشا، تابىلعان زاتتار ءبىزدىڭ داۋىرىمىزگە دەيىنگى 1-مىڭجىلدىقتىڭ ورتاسىنداعى ەجەلگى كوشپەندىلەرگە تيەسىلى.

"زاتتار سكيف-ساق جانۋارلارىنىڭ ستيلىندە جاسالعان. ءبىزدىڭ تاپقان زاتتارىمىز – سارماتتار الەمدە العاشقىلاردىڭ ءبىرى بولىپ اتتىڭ ەر-توقىمىن قولدانعانىن دالەلدەيدى"، – دەپ اتاپ ءوتتى مەيرام دۇيسەنعالي.

مامان وتكەن عاسىردىڭ 1950-جىلدارى بارلىق قورعاندار مەن جەرلەۋ ورىندارىنىڭ قالدىقتارى اۋىر تەحنيكامەن ايدالعاندىقتان، ولاردى  تابۋدى تەرەڭ  دەپ ءتۇسىندىردى.

ايدوس اقداۋلەت ۇلى تابىلعان جادىگەرلەردى مۇراجايعا تاپسىرۋعا ۋادە بەردى.

 ەسكە سالساق، بىرنەشە كۇن بۇرىن اقتوبە قالاسىنان 300 شاقىرىم جەردە سارمات ءداۋىرىنىڭ كوشباسشىسىنىڭ قالدىقتارى تابىلعان بولاتىن. التى مەترگە جۋىق تەرەڭدىكتە جەرلەۋلەردىڭ بىرىندە ارحەولوگتار التىنمەن قاپتالعان كيىمنەن ەر ادامنىڭ ءمايىتىن تاپتى.