«Nur Otan» پارتياسى شقو بەسقاراعاي اۋداندىق فيليالىندا "پارتيالىق كادرلىق رەزەرۆكە ىرىكتەۋ" تاقىرىبىندا بريفينگ ءوتتى. وندا بەسقاراعاي اۋداندىق فيليالى ءتوراعاسىنىڭ ءبىرىنشى ورىنباسارى، بريفينگ مودەتارورى وماروۆ بولات ۋۆالي ۇلى پارتيالىق كادرلىق رەزەرۆكە ىرىكتەۋ ءتارتىبىنىڭ ەرەجەسى مەن يادرولىق ەلەكتوراتتى قالىپتاستىرۋ تۋرالى كەڭىنەن ايتتى.

بريفينگكە «Nur Otan» پارتياسىنىڭ حاتشىسى عابيدوللا ابدوللا ۇلى وسپانقۇلوۆ، «Nur Otan» پارتياسى شىعىس قازاقستان وبلىستىق فيليالى ءتوراعاسىنىڭ ءبىرىنشى ورىنباسارى مۇحتارحانوۆ انۋاربەك مۇحتارحان ۇلى، بلوگەرلەر، جۋرناليستەر، باستاۋىش پارتيا ۇيىمدارىنىڭ ءتوراعالارى قاتىستى.

ايتا كەتۋ كەرەك، پارتيالىق كادرلىق رەزەرۆكە ىرىكتەۋ پيلوتتىق رەجيمدە شىعىس قازاقستان وبلىسىنىڭ بەسقاراعاي اۋدانىندا عانا وتەدى.

ءوتىنىم 2019 جىلدىڭ 28 قازانىنان 4 قاراشا ارالاعىندا قابىلدانادى.

ىرىكتەۋگە بەسقاراعاي اۋدانىندا تۇراتىن 20 جاسقا تولعان قازاقستان رەسپۋبليكاسىنىڭ ازاماتتارى قاتىسا الادى.

– پارتيالىق كادرلىق رەزەرۆىنىڭ ىرىكتەۋىنە تەك "Nur Otan" پارتياسىنىڭ مۇشەلەرى عانا ەمەس، پارتيا قاتارىنا قابىلدانعىسى كەلەتىن ازاماتتار دا ۇمىتكەر بولا الادى.

پارتيالىق كادرلىق رەزەرۆكە ىرىكتەۋ اعىمداعى جىلدىڭ 21 تامىزىندا پارتيا ءتوراعاسى، ەلباسى، ن. ءا. نازاربايەۆتىڭ ساياسي كەڭەسىنىڭ كەڭەيتىلگەن وتىرىسىندا ايتىلعان «سەنىم. ديالوگ. بولاشاققا نىق قادام – «Nur Otan» پارتياسىنىڭ 7 سەرپىنى» باعدارلاماسىن جۇزەگە اسىرۋ اياسىندا وتكىزىلۋدە، - دەدى «Nur Otan» پارتياسىنىڭ حاتشىسى عابيدوللا ابدوللا ۇلى وسپانقۇلوۆ.

ىرىكتەۋدىڭ باستى ماقساتى يادرولىق ەلەكتوراتتى قالىپتاستىرۋ بولىپ تابىلادى.

«يادرولىق ەلەكتوراتتى قالىپتاستىرۋ» جاڭعىرتۋ باعدارلاماسىنىڭ ءبىرىنشى ءيمپۋلسى. يادرولىق ەلەكتورات – بۇل قوعامدىق پىكىر كوشباسشىلارىنىڭ جاڭا پۋلى، حالىق پەن پارتيا مۇددەلەرىن قورعاي الاتىن، جاڭاشا كوزقاراسى بار ازاماتتار، ەلدىڭ دامۋى مەن حالىقتىڭ ماسەلەسى بەي-جاي قارامايتىن ەل جاناشىرلارى.

پارتيالىق كادرلىق رەزەرۆكە ىرىكتەۋ – بۇل يادرولىق ەلەكتوراتتى قالىپتاستىرۋداعى العاشقى قادام بولىپ تابىلادى.

بەسقاراعاي اۋىلى، س. سەيفۋللين كوشەسى، 106 مەكەن-جايى بويىنشا بەسقاراعاي اۋداندىق پارتيا فيليالىنا (ۇيىمداستىرۋ كوميتەتىنە) كەلىپ تاپسىرۋ ارقىلى، نەمەسە https://nurotan.kz/auth/login سايتىنا تىركەلۋ ارقىلى قاتىسۋعا بولادى.

بايلانىس تەلەفونى-8 (72236) 9-19-10).