شىمكەنتتەگى ءدامحانادا وق اتقاندار الىدە بوستاندىقا ءجۇر. ال وقيعا سالدارىنان جارالانعان ەكەۋىنىڭ جاعدايى اۋىر – دەپ Qamshy.kz اقپارات اگەنتتىگى حابارلايدى، "استانا" تەلەارناسىنا سىلتەمە جاساپ.

جەلىدە وقيعا ورنىنان تۇسىرىلگەن كادرلار پايدا بولدى. وندا كريميناليستەردىڭ جۇمىس ىستەۋ ءساتى تاسپالانعان.
كادردە ماماندار وق جاراقاتىنان جان تاپسىرعان جىگىتتىڭ مايتىنە ساراپتاما جاساۋ ۇستىندە.

وق 28 جاستاعى جىگىتتىڭ كەۋدە تۇسىنا شاشىراي تيگەن.

سونداي-اق قانعا بويالعان شاعىن بولمەدە پوليسيلەر جەدەل ءتۇسىرىلىم جاساپ جاتىر. بۇدان بولەك اۋەسقوي تۇسىرىلىمدە ءتۇسىرىلىپ جاتقانى بايقالادى.

"الەۋمەتتىك جەلىدە تارالىپ كەتكەن ۆيدەوعا بايلانىستى قىزمەتتىك تەكسەرىس جۇرگىزىلۋدە"، – دەپ شىمكەنت پوليسيا دەپارتامەنتىنىڭ ىشكى جانە سىرتقى كوممۋنيكاسيا باسقارماسىنىڭ جەتەكشىسى اسەل سادەنوۆ جاۋاپ بەردى.

ەسكە سالساق، وقيعا 29 قازان كۇنى ساعات 17:30-دا شىمكەنت قالاسىنداعى ارعىنبەكوۆ كوشەسىندە ورنالاسقان «سۇندەت» ءدامحاناسىندا بولدى. تاماقتانۋ ورنىنا سىرتتان كىرگەن ادام كوزدەگەن ادامدارىنا وق جاۋدىرعان. 4 ادامعا وق ءتيىپ، بىرەۋى وقى ورنىندا جان تاپسىردى. قىلمىس ورىنان ايعاقتىق زات رەتىندە اۆتوكولىكتەر مەن قارۋلار الىندى.