رەسپۋبليكالىق ەلەكتروندى ساۋدا الاڭىندا اتىراۋ وبلىسى ماقات اۋدانىنىڭ ورتالىعىنداعى ءزاۋلىم مەشىت ساتىلىمعا شىعارىلدى. 311 شارشى مەتر اۋماعى جانە 0،3575 گا جەر تەلىمى بار نىسان باعاسى – 102 020 907 تەڭگە. 

مەشىتتى ق ر قارجى مينيسترلىگى مەملەكەتتىك مۇلىك جانە جەكەشەلەندىرۋ كوميتەتىنىڭ اتىراۋ مەملەكەتتىك مۇلىك جانە جەكەشەلەندىرۋ دەپارتامەنتى ساتىپ جاتىر دەپ جازادى Qamshy.kz اقپارات اگەنتتىگى azattyq-ruhy دەرەگىنە سۇيەنىپ.

اتىراۋ وبلىسى اكىمدىگى باسپا ءسوز قىزمەتىنىڭ مالىمەتىنشە، اتالعان مەشىت ەلدەن قاشىپ كەتكەن وبلىستىڭ ەكس-اكىمى بەرگەي رىسقالييەۆتەردىڭ مۇلىكتەرىن تاركىلەۋ كەزىندە مەملەكەت مەنشىگىنە وتكەن.

نىساندى 5 جۇمىس كۇنى ىشىندە زاڭدى تۇلعالار ءوز مەنشىگىنە الۋعا قۇلىق تانىتپاسا ول اۋكسيوندىق ساتىلىمعا شىعارىلادى.

«قازىرگى تاڭدا ماقات اۋداندىق اكىمدىگى مەشىتتى كوممۋنالدى مەنشىككە الۋ ماسكەلەسىن قاراستىرىپ جاتىر. عيمارات نەگىزگى مىندەتىن اتقارا بەرەدى، ياعني عيبادات جاسايتىن ورىن بولىپ قالا بەرەدى»، - دەدى وبلىس اكىمدىگىنىڭ باسپا ءسوز قىزمەتى.