31 قازان كۇنى ديماش قۇدايبەرگەن ءبىرىنشى ارناداعى «ۆەچەرنيي ۋرگانت» باعدارلاماسىنا قاتىستى.

ديماش قۇدايبەرگەنوۆپەن قاتار رەسەيدىڭ حالىق ءارتىسى، مۋزىكانت جانە پروديۋسەر يگور كرۋتوي، مانەرلەپ سىرعاناۋدان وليمپيادا چەمپيونى ادەلين سوتنيكوۆا باعدارلامانىڭ قوناعى بولدى.

ديماش جۇرگىزۋشىگە قازاقتىڭ شاپانىن سىيعا تارتتى، ۋرگانت «بۇنداي ەندى تەك مەندە جانە نيكولاس كەيدجدا بار» دەپ ازىلدەدى.

جۇرگىزۋشى ديماشتان دجەكي چانمەن تانىستىعى جايلى جانە راسىمەندە ول ءوزى حابارلاسىپ كەزدەسۋ بەلگىلەگەنى تۋرالى سۇراپ ءبىلدى.

ديماش قۇدايبەرگەن: «دجەكي چان الەمدەگى ەڭ تانىمال ادام ەكەنىنە قاراماستان وتە قاراپايىم جانە سىپايى.»، - دەدى ءوز سوزىندە.

10 جەلتوقسان كۇنى ديماش قۇدايبەرگەن نيۋ-يوركتە جەكە شىعارماشىلىق كەشىن وتكىزەدى.  ءانشىنىڭ ۇيىمداستىراتىن شوۋ باعدارلاماسى ءبىر ۋاقىتتا 19 مىڭ كورەرمەندى سىيدىرا الاتىن Barclays Center-دە بولادى دەپ جوسپارلانۋدا.