قازاقستان مەن يراك بيلىگى بىرلەسىپ انالارى سوتتالعان جانە يراك تۇرمەلەرىندە وتىرعان بالالاردى قايتارۋ وپەراسياسىن دايىنداۋدا. بۇل تۋرالى بريفينگتە ق ر سىرتقى ىستەر مينيسترلىگىنىڭ رەسمي وكىلى ايبەك سمادياروۆ مالىمدەدى، – دەپ Qamshy.kz اقپارات اگەنتتىگى حابارلايدى.

بريفينگ بارىسىندا انالارى سوتتالعان جانە تۇرمەگە جابىلعان قازاقستاندىق بالالاردى يراكتان قايتارۋ پروسەسى قازاقستاندىق تۋىستارىنىڭ كوپتەگەن وتىنىشتەرىنەن كەيىن باستالعانى ايتىلدى.

"ەستەرىڭىزدە بولسا، جاقىندا ءبىز قازاقستاندىق بالالاردى يراكتان قايتارۋعا دايىندىق بارىسى تۋرالى حابارلادىق. ولاردىڭ انالارى سوتتالىپ، تۇرمەگە جابىلدى. بالالارى ولارمەن بىرگە تۇرۋعا ءماجبۇر. بالالاردىڭ تۋىستارى قازاقستانعا قايتارىلۋىن تىلەيدى. ال  ديپلوماتيالىق ارنالار ارقىلى يراك ۇكىمەتىمەن بىرلەسىپ، ءبىز ءقازىر بۇل بالالاردى وتاندارىنا قايتارۋ وپەراسياسىن دايىنداپ جاتىرمىز"، – دەدى سمادياروۆ.

ونىڭ ايتۋىنشا، شامامەن 10 بالا ەكسپورتقا دايىندالىپ جاتىر. ءبىراق، ناقتى ورالاتىن بالا سانى ءالى ناقتىلانۋدا.

"مەنىڭ ويىمشا، بۇل وپەراسيا ءبىر اي ىشىندە جاسالادى. ءبىراق، ءدال ۋاقىتىن ايتا المايمىن. بۇل ءىس جونىندە كوپتەگەن پارتيالار مەن مەملەكەتتىك ورگاندار اتسالىسىپ جاتىر. ال قازىرگى ۋاقىتتا ولاردىڭ ازاماتتىعىن انىقتاۋ پروسەسى ءجۇرىپ جاتىر. كەيبىرەۋلەرىنىڭ اتا-انالارى دا جوق، ولار بالالار ۇيىندە باسقا بالالارمەن بىرگە بولعان" – دەپ سىرتقى ىستەر مينسترلىگىنىڭ رەسمي وكىلى ءتۇسىندىردى.

ەسكە سالساق، قازاقستاننىڭ سىرتقى ىستەر ءمينيسترى مۇحتار تىلەۋبەردى قازاقستان يراكتان انالارىن وسى ەلدە ءومىر بويى باس بوستاندىعىنان ايىرۋ جازاسىنا كەسىلگەن 14 بالانى قايتارۋ ءۇشىن جۇمىس ىستەپ جاتقانىن حابارلاعان.