قازاقستاندا بايقوڭىر ايلاعىنان ۇشىرىلاتىن «پروتون» زىمىران-تاسىعىشتارى 2025 جىلعى دەيىن توقتاتىلمايدى. بۇل تۋرالى ق ر اەروعارىش كوميتەتىنىڭ ءتوراعاسى تالعات مۇسابايەۆ ق ر پارلامەنتى سەناتى وتىرىسىندا مالىمدەگەن. بۇل تۋرالى «قامشى» پورتالى قازينفورم-گە سىلتەمە جاساي وتىرىپ حابارلايدى.

سەنات دەپۋتاتتارى اەروعارىش كوميتەتىنىڭ ءتوراعاسى تالعات مۇسابايەۆقا عارىش سالاسىنداعى ءبىرقاتار تۇيتكىلدى ماسەلەلەردى توتەسىنەن قويىپ، قازاقستانداعى كيىكتەردىڭ جاپپاي قىرىلۋىنا گيپتيلدىڭ سەبەپ بولعاندىعىن العا تارتقان. دەپۋتاتتاردىڭ ساۋالىنا ناقتى جاۋاپ بەرە الماعانىمەن اگەنتتىك ءتوراعاسى تاقىرىپتى «پروتوننىڭ» شەگەرىلۋىنە قاراي بۇرىپ اكەتتى.

«ءبىز ءقازىر «پروتون» زىمىراندارىن ۇشىرۋدى ازايتۋعا قاتىستى جۇمىستار جۇرگىزۋدەمىز. بىزدە ءقازىر زاڭدى قۇجاتتار بار. ول قۇجاتتار نەگىزىندە «پروتون» زىمىراندارىن كەزەڭ-كەزەڭىمەن توقتاتۋ ماسەلەلەرى قاراستىرىلعان. سونىمەن، 2025 جىلى «پروتون» زىمىران-تاسىعىشى تولىعىمەن توقتايتىن بولادى. ءبىز بۇل ماسەلەگە ۇلكەن ءمان بەرىپ، قولعا الدىق»،-دەيدى تالعات مۇسابايەۆ.

سونداي-اق ءتوراعا مىرزا ءبىر رەتتەن «پروتون» زىمىراندارىن توقتاتۋ مۇمكىن ەمەستىگىن ايتا كەلە، بايقوڭىردىڭ بولاشاعى تۋرالى ءسوز ەتكەن.

«ەگەر «پروتون» زىمىراندارىن ۇشىرۋدى توقتاتاتىن بولساق،  وندا بايقوڭىر رەسەي فەدەراسياسى ءۇشىن كەرەكسىز بولىپ قالادى. سوسىن ولار كەتىپ قالادى. ال «پروتون» زىمىران-تاسىمالداۋشىسى ەكونوميكالىق جاعىنان جەرسەرىكتەر مەن عارىش اپپاراتتارىن جەتكىزۋدە قازىرگى تاڭداعى ەڭ وزىق زىماران بولىپ تابىلادى. بۇل رف-نىڭ باستى كوزىرى. ولار «پروتون» ارقىلى پايدا تاۋىپ وتىر»،-دەيدى ق ر اەروعارىش كوميتەتى ءتوراعاسى.

سونىمەن قاتار، ت.مۇسابايەۆ مىنالاردى ەسكەرتكەن:

 تاعى 11 جىلعا دەيىن قازاقستان مەن رەسەي اراسىندا مەملەكەتارالىق كەلىسىمدەرگە قول قويىلعان. ياعني، «بايقوڭىردان» 2025 جىلعا دەيىن «پروتون» ۇشىرۋ توقتاتىلمايدى. ال گەپتيل مەن اميل ارقىلى ۇشىرىلاتىن زىمىراندار «بايقوڭىردان» ءقازىر كەتپەيدى.

«قازىرگى تاڭداعى باستى ماسەلە بولىپ وتىرعانى «بايتەرەك» عارىش كەشەنىن جەدەلدەتىپ قولعا الۋ.  بۇل تۋرالى رف مەن ق ر اراسىنداعى 2004 جىلدىڭ 9- قاڭتارىنداعى كەلىسىم بار. ەگەر «بايتەرەك» كەشەنى جولعا قويىلاتىن بولسا، گەپتيل مەن  اميل ارقىلى ۇشاتىن «پروتونجاردى» توقتاتۋعا ابدەن بولادى. بىرىنشىدەن ول جەرگىلىكتى تۇرعىنداردىڭ دەنساۋلىعىنا ايتارلىقتاي زيان. ەكىنشىدەن، ەل ەكولوگياسىنا قىرۋار زارداپ كەلتىرۋدە»،-دەيدى تالعات مۇسابايەۆ.

نۇرزات توعجان