قازاقستاننىڭ حالىق جازۋشىسى، كورنەكتى اقىن جانە قوعام قايراتكەرى، مەملەكەتتىك سىيلىقتىڭ يەگەرى فاريزا وڭعارسىنوۆاعا نۇر-سۇلتاننىڭ سول جاعالاۋىندا كوشەۋ اتاۋى بەرىلدى – دەپ Qamshy.kz اقپارات اگەنتتىگى حابارلايدى، ەلوردا ينفوعا سىلتەمە جاساپ.

كوشەنىڭ سالتاناتتى اشىلۋ لەنتاسىن قالا اكىمىنىڭ ورىنباسارى مەن فاريزا وڭعارسىنوۆانىڭ ۇلى الماس وڭعارسىنوۆ كەستى.

"بۇگىن مىنە قازاقتىڭ دانا قىزى، دارا قىزى فاريزا اپامىزدىڭ اتىنا كوشە اتاۋى بەرىلىپ وتىر. ءبىز وتكەندى ۇمىتپاۋىمىز كەرەك. كوشە اتاۋىن بەرۋ وسكەلەڭ ۇرپاققا ونەگە بولۋدىڭ بەلگىسى. فاريزا اپامىزدىڭ قاي ولەڭىن وقىساڭىزدا وتكىر، ول ماسەلەنى تىگىنەن ايتاتىن كىسى. اپامىزدىڭ شىعارماسى ەرەكشە ەستە قالاتىن. سونداي-اق، مەملەكەتتىك قىزمەتتە ەڭبەك ەتىپ، پارلامەنتتە ءوز ورنى بولدى. سوندىقتان ەلوردادا اپامىزعا كوشە اتاۋىن بەرۋ جاس ۇرپاققا تاربيە بەرۋدىڭ ۇلگىسى دەپ بىلەمىن. فاريزا اپامىزدىڭ اتى ماڭگى وشپەسىن، بۇگىن كوشە اتاۋىنان بولەك ءبىراز شارالاردى وتكىزۋ جوسپارلانۋدا"، – دەدى قالا اكىمىنىڭ ورىنباسارى باقتيار ماكەن كوشەنىڭ سالتاناتتى اشىلۋ راسىمىندە.

شاراعا جازۋشىلار، قوعام قايراتكەرلى مەن اقىننىڭ جاقىن تۋىستارى قاتىستى.

ودان وزگە  قالا اكىمىنىڭ ورىنباسارى سالتاناتتى شارادان سوڭ اقىننىڭ زيراتىنا بارىپ قۇران باعىشتالاتىنىن ايتتى.