قىرىمدا وگەي اكەسى تىڭداماعانى ءۇشىن 5 جاسار قىزىن ولتىرگەن. وقيعادان كەيىن تۇتقىندالعان ەر ادام پوليسەيلەرگە قىزدىڭ مۇردەسىن قايدا كومىپ تاستاعانىن كورسەتتى – دەپ Qamshy.kz اقپارات اگەنتتىگى حابارلايدى، ntv.ru ارناسىنا سىلتەمە جاساپ.

وگەي قىزىن ءولتىردى دەگەن كۇدىككە ىلىنگەن ەر ادام 5 جاسار قىزىن بۋىندىرىپ ءولتىرىپ، ارتىنشا دەنەسىن ۇيدەن الىپ شىعىپ، كولىكتىڭ ارتقى ورىندىعىنا جاتقىزعان. ول كەزدە كولىكتىڭ الدىڭعى ورىندىعىندا ونىڭ كىشى ۇلى وتىرىپتى. ەر ادام قىزدىڭ مۇردەسىن كومىپ تاستاپ، ارتىنشا تۋعان ۇلىمەن بىرگە ۋكرايناعا قاشىپ كەتپەك بولعان. الايدا، ولار شەكارادان وتە المادى.

13 قاراشادا ەر ادام پوليسياعا حابارلاسىپ، 5 جاسار قىزىنىڭ جوعالىپ كەتكەنى تۋرالى حابارلاعان. الايدا قىزدى ىزدەستىرۋ جۇمىستارى ناتيجە بەرمەگەننەن كەيىن، پوليسيا وگەي اكەنىڭ ءوزىن كۇدىكتى رەتىندە ۇستادى. بۇگىنگى تاڭدا ول تۇتقىندالدى.

ب ا ق مالىمەتىنشە، كۇدىكتىنىڭ مۇنداي ارەكەتىنە وگەي قىزىنىڭ ءوزىن تىڭداماۋى جانە اكەم دەپ قابىلداماعانى سەبەپ بولعان.