ەلىمىزدە باسپانانىڭ قولجەتىمدى بولۋى ءۇشىن تاعى ءبىر باعدارلاما ەنگىزىلەدى، – دەپ  Qamshy.kz اقپارات اگەنتتىگى حابارلايدى.

 بۇل تۋرالى ۇكىمەت وتىرىسىندا يندۋستريا مەن ينفراقۇرىلىمدىق دامۋ ءمينيسترى بەيبىت اتامقۇلوۆ ايتتى. 

ۇكىمەت 2020-2025 جىلعا ارنالعان "نۇرلى جەر" تۇرعىن ۇي-كوممۋنالدىق دامۋ مەملەكەتتىك باعدارلاماسىنىڭ جاڭا جوباسىن ماقۇلدادى.

"ءبىرىڭعاي ءتۇرعىن-ۇي ساياساتىن جۇزەگە اسىرۋدىڭ" ءبىرىنشى تاپسىرماسى اياسىندا باسپانا قولجەتىمدىلىگى ساتىسى ەنگىزىلەدى. حالىقتىڭ تابىسى نەگىزگى فاكتور بولادى. وتباسى مۇشەسى ءۇشىن ءبىر كۇنكورىس مينيمۋمى – 29،7 مىڭ تەڭگە تابىسى بار كەزەكتەگى ادامدارعا جەتىم بالالار، 1 جانە 2-توپتاعى مۇگەدەكتەر، زەينەتكەرلەر مەن باسقالار ءۇشىن ساتىپ الۋعا بولمايتىن جالدامالى باسپانا بەرىلەدى"، – دەدى مينيستر. 

اتامقۇلوۆتىڭ ايتۋىنشا، "باقىتتى وتباسى" باعدارلاماسى كەزەكتەگىلەرگە قولجەتىمدى بولىپ قالا بەرەدى. ولاردىڭ ساناتىنا كىرەتىندەر – ەكى كۇنكورىس مينيمۋمى – 59،4 مىڭ تەڭگە تابىسى بار كوپبالالى، تولىق ەمەس جانە مۇگەدەك بالاسى بار وتباسىلار.

 "3،1 كۇنكورىس مينيمۋمى – 92 مىڭ تەڭگە تابىسى بار كەزەكتەگىلەر "5-20-25" باعدارلاماسى بويىنشا اكىمدىكتىڭ كرەديتتىك باسپاناسىنا ۇمىتكەر بولادى، ولار – اسكەري قىزمەتكەرلەر، مەملەكەتتىك قىزمەتكەرلەر، بيۋدجەتتەگىلەر. 3،1 كۇنكورىس مينيمۋمىنان جوعارى تابىسى بار تۇرعىندارعا "7-20-25" باعدارلاماسى قولجەتىمدى"، – دەيدى بەيبىت اتامقۇلوۆ. 

ءمينيستردىڭ سوزىنە سۇيەنسەك، 5 كۇنكورىس مينيمۋمى – 148،5 مىڭ تەڭگەدەن جوعارى تابىسى بار قازاقستاندىقتار باسپانا الۋ ءۇشىن "باسپانا-حيت"، "وردا"، "سۆوي دوم" سەكىلدى نارىقتىق باعدارلامالاردى پايدالانا الادى.