الماتى اكىمدىگىندە وتكەن باسپا ءسوز ءماسليحاتىندا قالا جوسپارلاۋ جانە ۋربانيستيكا باسقارماسىنىڭ باسشىسى الماسحان احمەدجانوۆ قالالىق ديزاين كودقا اۋىسۋ تۋرالى ايتتى.
ديزاين-كود الماتىداعى ءار عيماراتتى ساقتاۋعا، ۇقىپتى ۇستاۋعا باعىتتالعان.
– تۇجىرىمداماعا نەگىز رەتىندە كانادالىق قالا قۇرىلىسىن رەتتەۋ جۇيەسى الىندى. ەگەر ءۇيدىڭ قاسبەتىن وزگەرتۋ كەرەك بولسا، بەلگىلى ءبىر تالاپقا ساي وزگەرتەتىن بولادى. البەتتە، ادامداردىڭ ءبارى عيماراتتى ۇستاپ وتىرۋعا اقشا تولەيتىنى راس. ولارعا بارىپ تەرەزەڭدى، قاسبەتىڭدى اۋىستىر دەپ ەشكىم ماجبۇرلەمەيتىن بولادى، – دەدى الماسحان احمەدجانوۆ.
ونىڭ ايتۋىنشا، باسپانا يەلەرىنە تاڭداۋ بەرىلەدى.
– ەگەر ادام سارى ءۇيدىڭ بالكونىن كوككە بوياعىسى كەلسە، وعان ديزاين كودتاعى تالاپتى كورسەتەمىز. تۇرعىندار ءوزىن-وزى باقىلايتىن جۇيە بولادى. عيماراتتاردى ۇستاپ تۇرۋ مەن پايدالانۋ سالاسىندا ءبىرقاتار بيزنەستە ءوسىم بولادى دەپ سەنەمىز، – دەدى ا.احمەدجانوۆ.
پىكىر قالدىرۋ