پرەمەر-مينيستر اسقار مامين ۇلتتىق ەكونوميكا، ساۋدا جانە ينتەگراسيا، اۋىل شارۋاشىلىعى مينيسترلەرىنىڭ ورىنباسارلارىن، سونداي-اق بىرنەشە وبلىس اكىمدەرىنىڭ ورىنباسارلارىن الەۋمەتتىك ماڭىزى بار تاۋارلارعا باعانى نەگىزسىز وسىرگەنى ءۇشىن جاۋاپقا تارتۋدى تاپسىردى دەپ جازادى Qamshy.kz اقپارات اگەنتتىگى.
"مۇددەلى مەملەكەتتىك ورگانداردىڭ ىشىنەن جۇمىس توبىن قۇرۋ قاجەت. ءبىر اپتا ىشىندە قىسقا جانە ورتا مەرزىمدى شارالار پاكەتىن جاساڭىز. ءۇش كۇننىڭ ىشىندە پرەمەر-مينيستردىڭ كەڭسەسى مەنىڭ اتىمنان اۋىل شارۋاشىلىعى، ۇلتتىق ەكونوميكا، ساۋدا جانە ينتەگراسيا ۆيسە-مينيسترلەرىن جازالاۋ تۋرالى يدەيانى اكەلەدى. سونداي-اق، اقتوبە، پەتروپاۆل، كوكشەتاۋ، تاراز جانە جامبىل وبلىستارىندا اكىمدەردىڭ ورىنباسارلارىن بەلگىلەنگەن تارتىپتە جاۋاپكەرشىلىككە تارتۋ قاجەت"، دەدى اسقار مامين.
ساۋدا جانە ينتەگراسيا ءمينيسترى باقىت سۇلتانوۆتىڭ ايتۋىنشا، الەۋمەتتىك ماڭىزى بار تاۋارلارعا شەكتى باعانىڭ ءوسۋى اتىراۋ، پاۆلودار جانە جامبىل وبلىستارىندا، سونداي-اق نۇر-سۇلتاندا بايقالادى.
"مۇددەلى مەملەكەتتىك ورگاندار قاتارىنان جۇمىس توبىن قۇرىپ، ءبىر اپتا ىشىندە الەۋمەتتىك ماڭىزى بار تاۋارلاردىڭ باعاسىن تۇراقتاندىرۋ بويىنشا قىسقا مەرزىمگە جانە ورتا مەرزىمگە ارنالعان ناقتى شارالار ازىرلەنسىن. رومان ۆاسيليەۆيچ، جۇمىستى باسقارۋدى سىزگە تاپسىرامىن" دەدى پرەمەر-مينيستر.
ال تۇركىستان، الماتى، كوكشەتاۋ، پەتروپاۆل، اقتوبە جانە تارازدا 19 تاۋاردىڭ بەسەۋىنىڭ باعاسى وسكەن.
"بۇل اكىمدىكتەر، اۋىل شارۋاشىلىعى، ۇلتتىق ەكونوميكا، ساۋدا جانە ينتەگراسيا مينيسترلىكتەرىنىڭ جەتكىلىكتى جۇمىس جۇرگىزبەي وتىرعانىن كورسەتەدى"، - دەدى مامين.
پىكىر قالدىرۋ