رەدۋكتورى قاتىپ قالعان "اقبوتا" تۇرعىن ءۇي كەشەنىنىڭ تۇتىنۋشىلارى 17 ساعات گازسىز وتىردى – دەپ Qamshy.kz اقپارات اگەنتتىگى حابارلايدى، قالالىق ورتا ساپاسى جانە باقىلاۋ باسقارماسىنا سىلتەمە جاساپ.
باقىلاۋ باسقارماسىنىڭ اقپاراتىنا سۇيەنسەك، 19 قاراشا كۇنى كەشكى ساعات 20:00-دە رەسپۋبليكا داڭعىلىنداعى 43ا مەكەنجايىندا ورنالاسقان "اقبوتا" تۇرعىن ءۇي كەشەنىندە گازگولدەر رەدۋكتورىنىڭ قاتىپ قالۋىنا بايلانىستى، تۇتىنۋشىلارعا گاز بەرىلمەگەن.
"اپاتتىق قىزمەت پەن "استاناگازقىزمەت" ج ش س ەكسپلۋاتاسيا قىزمەتىنىڭ قالپىنا كەلتىرۋ جۇمىستارى جانە "نۇر-سۇلتان ورتالىق گازبەن قامتۋ" ورتالىعىنىڭ جوندەۋ جۇمىستارى ارقىلى، 20 قاراشادا ساعات 13:25-تە تۇرعىندارعا گاز بەرىلدى"، – دەپ قالالىق ورتا ساپاسى جانە باقىلاۋ باسقارماسىنىڭ باسپا ءسوز قىزمەتى مالىمدەدى.
"استاناگازقىزمەت" ج ش س ايتۋىنشا، قىسقى سۋىقتا رەدۋكتوردىڭ قاتىپ قالۋى سىندى تەحنيكالىق جاعدايلاردىڭ بولۋى قالىپتى.
پىكىر قالدىرۋ