الماتى قالاسى اكىمىنىڭ ورىنباسارى ەرجان باباقۇماروۆ «Nur Otan» پارتياسى جانىنداعى وتباسى ءىسى، بالالاردىڭ قۇقىقتارىن قورعاۋ جونىندەگى رەسپۋبليكالىق كەڭەس مۇشەلەرىمەن كەزدەستى. باسقوسۋدا كوپبالالى جانە الەۋمەتتىك جاعىنان از قامتىلعان وتباسىلارداعى بالالاردى قولداۋ جانە الەۋمەتتىك قورعاۋ، ءبىلىم بەرۋ، دەنساۋلىق ساقتاۋ، سپورت سالالارىندا قابىلدانىپ جاتقان ماسەلەلەردى تالقىلادى.

ءبىر اپتانىڭ ىشىندە كەڭەس مۇشەلەرى قالانىڭ الەۋمەتتىك نىساندارى مەن بالالار مەكەمەلەرىن ارالاپ، تەكسەردى. مۇندا بالالاردىڭ كۇندەلىكتى ومىرىنە قاجەتتى بارلىق اسپەكتىلەر – ءبىلىم الۋدان باستاپ، تاماقتانۋ ساپاسى، ءتىپتى، بوس ۋاقىتتىڭ ۇيىمداستىرىلۋىنا دەيىن نازار اۋدارىلدى. جۇمىس قورىتىندىسى بويىنشا، الماتى قالاسى اكىمىنىڭ ورىنباسارى ە. باباقۇماروۆپەن وتكەن كەزدەسۋدە الماتى اكىمدىگىنە بالالاردى قولداۋ بويىنشا قالادا جۇرگىزىلىپ جاتقان جۇمىستاردىڭ ساپاسىن ارتتىرۋ ءۇشىن قاجەتتى ۇسىنىستار بەرىلدى. «Nur Otan» پارتياسى جانىنداعى وتباسى ىستەرى، بالالاردىڭ قۇقىقتارىن قورعاۋ جونىندەگى رەسپۋبليكالىق كەڭەس ءتوراعاسىنىڭ ورىنباسارى دينارا زاكييەۆانىڭ ايتۋىنشا، جۇمىس توبى الەۋمەتتىك قورعاۋ، ءبىلىم بەرۋ، دەنساۋلىق ساقتاۋ سالاسىنداعى 150-دەن استام نىساندى ارالاپ، وتباسىلارمەن كەزدەسىپ، شەشىمىن تاباتىن ءبىرقاتار وزەكتى ماسەلەلەردى انىقتاعان.

كەزدەسۋدە سونداي-اق «Nur Otan» پارتياسى جانىنداعى وتباسى ءىسى، بالالاردىڭ قۇقىقتارىن قورعاۋ جونىندەگى رەسپۋبليكالىق كەڭەستىڭ مۇشەسى رىستى جۇمابەكوۆا، بالالاردىڭ قۇقىقتارىن قورعاۋ جونىندەگى كەڭەستىڭ كەڭەسشىسى مانسيا يسكازينا، ق ر ءىىم يۋۆەنالدىق پوليسيانىڭ اعا ينسپەكتورى رۇستەم قۇتتىبايەۆ ءسوز سويلەدى. جيىنعا قالالىق الەۋمەتتىك ءال-اۋقات، ءبىلىم، قوعامدىق دەنساۋلىق، سپورت، مادەنيەت، قوعامدىق دامۋ باسقارمالارىنىڭ جانە جەرگىلىكتى پوليسيا قىزمەتىنىڭ باسشىلارى، اۋدان اكىمدەرىنىڭ الەۋمەتتىك ماسەلەلەر جونىندەگى ورىنباسارلارى، اۋداندىق باسقارما بولىمدەرىنىڭ باسشىلارى قاتىستى.

كەزدەسۋدىڭ سوڭىندا قالا اكىمىنىڭ ورىنباسارى ەرجان باباقۇماروۆ قالالىق باسقارما باسشىلارى مەن اۋدان اكىمدەرىنىڭ ورىنباسارلارىنا كوتەرىلگەن ماسەلەلەردى رەسپۋبليكالىق كەڭەسپەن شەشۋ جونىندە ءبىرقاتار تاپسىرمالار بەردى.