ەسىرتكى قۇرالدارىنىڭ زاڭسىز اينالىمىنا قارسى ءىس-قيمىل جونىندەگى زاڭناما تالاپتارىنا سايكەس - ەسىرتكى قۇرالدارىن ناسيحاتتاۋ مەن جارنامالاۋعا تىيىم سالىنادى.
وسىعان بايلانىستى، اتالعان جارنامانى ورنالاستىرعان الماتى كومپانياسى ق ر اقبتك-نىڭ 423-بابى بويىنشا اكىمشىلىك جاۋاپتىلىققا تارتىلدى، بيلبوردتى بولشەكتەۋ جۇرگىزىلدى.
الماتى قالاسىنىڭ پروكۋراتۋراسى مۇنداي بۇزۋشىلىقتاردىڭ كىنالىلەرگە قاتىستى قاتاڭ شارالار قولدانۋ ارقىلى، ءتىپتى ليسەنزيادان ايىرعانعا دەيىن جولىن كەسەتىنىن ەسكەرتەدى.
جالپى ەسىرتكى بيزنەسىنە قارسى كۇرەس ماسەلەلەرى 19 قاراشادا قۇقىق قورعاۋ ورگاندارىنىڭ ۇيلەستىرۋ كەڭەسىنىڭ وتىرىسىندا تالقىلاندى.
زاڭسىز اينالىمنان 320 كگ استام ەسىرتكى تاركىلەندى جانە ەسىرتكى ساتۋ بويىنشا 200-دەن استام ينتەرنەت-سايت جابىلدى.
پروكۋراتۋرا ەسىرتكى تاراتاتىن ۇيىمداسقان قىلمىستىق توپتاردى، سونىڭ ىشىندە ينتەرنەت-رەسۋرستارى مەن ولاردى جەتكىزۋ ارنالارى ارقىلى انىقتاۋ بويىنشا جۇمىستى كۇشەيتۋدى ۇسىندى.
پىكىر قالدىرۋ