ورالدا ەكى ەر ادام مۇز استىنا ءتۇسىپ كەتتى، –  دەپ Qamshy.kz اقپارات اگەنتتىگى حابارلايدى.

باتىس قازاقستان وبلىسىنداعى توتەنجە جاعداي دەپارتامەنتىنىڭ مالىمدەۋىنشە، وقيعا بۇگىن جەلايەۆ كەنتىندە بولدى.

ساعات 17.30-دا "ورىس مونشاسى" اۋدانىندا جاساندى سۋ قويماسىندا كونكيمەن سىرعاناۋ كەزىندە ەر ادامنىڭ مۇزدىڭ استىنا ءتۇسىپ كەتكەن.

قۇتقارۋشىلار (4 ادام، 1 تەحنيكا) ساعات 17.49-دا جەتكەندە ەكى ادامنىڭ سونداي جاعدايعا تاپ بولعانى انىقتالدى. ولاردىڭ ەكەۋى دە قۇتقارىلدى. 1989 جىلعى ەر ادام كونكيمەن سىرعانايمىن دەپ مۇزدىڭ استىنا ءتۇسىپ كەتسە،  ال 1967 جىلعى ازامات وعان جاردەم بەرمەك بولعان.

وبلىستىق دەنساۋلىق ساقتاۋ باسقارماسىنىڭ باسپا ءسوز حاتشىسى ايناگۇل ساقپوسىنوۆا: "1989 جىلعى ەر ادام مەديسينالىق كومەككە جۇگىندى. جاراقات الماعان. دەنەسى توڭازىعان ول قالالىق كوپبەيىندى اۋرۋحاناعا جەتكىزىلدى" – دەيدى.